SEMINARO PALE SIKAVNE RROMANE ČHIBJAKO

O seminaro inćarda o amalipe manušnjengo „Romena“, a finansijski učhardales o Pokrajinako sekretarijato palo sićope, ortuipe thaj nacionalne amalimata thaj Konsilo pale integracija e Rromenđi ande Vojvodina. Kamipe seminaresko sas te e sikavimatarja khetane e sikavnenca sikaven neve sikavimašće planurja thaj programurja pala rromani čhib e elementonenca nacionalne kulturako thaj tradicijako ande fundošće sikavne thana, te arlin e džanglimata, te sikaven aresardo dži akana thaj kova so ažućarelpes. Ando sikavimasko brš 2023/2024 si 42 sikavne thana ande save sićolpes rromani čhib, so si majbut katar 1000 sikamne. Godova sikavel kaj si baro intereso rromane čhavrrengo thaj lenđe bijandimatarnengo pala arakhadipe tradicijako thaj čhibako.

 

Kamipe Forumosko sas sikadipe projektonengo thaj idejengo palo bućaripe Rromengo sar vi sikadimata lačhe praksako andar kotor sikavimasko. Po Forumo palo bućaripe sas vi Pokrajinako sekretaro pale privreda, bućaripe thaj jekhetanipe polurjengo. direktoro Kancelarijako pale inkluzija e Rromenđi direktoro Pokrajinaće službako palo bućaripe, sar vi manuša andar PGF timurja thaj hasnarimatarja lenđe bućarimasko.

 

E koordinatorja pala rromane pučhimata andar dešuštar guverne ande Vojvodina inćardine šajipe te pindžarenpes e bućarimava katar Pokrajinako ombudsmano sar vi e bućarimava thaj Paćivalimatari palo lesamalipe jekhetanimasko. Kava seminaro si inke jekh anglunipe palo majlačho, ma- jefinaskno thaj stručno bućaripe koordinatorengo pale rromane pučhimata ando dinipe uslugurjengo, ažutimasko thaj zurjavimasko rromane amalimašće.