Obeležimo o breš kotar Gipsy Roma Urban Balkan Beats (GRUBB)

Ando novosadsko GRUBB-o specijalno si ašarimaske po čačipe kaj majbut 250 čhavra sas numaj jekhar ando maškaripe, dok redovno aven majbut 60. Pale 230 bućarne đesa inćarde si džike 1000 radionice. Po anglunipe ande radionicengo rasporedo arkhlinepe numaj e matematika, Serbikani čhib, muzika thaj šukar ćhelipe.

 

E maškarimaske buhljarimava, o rasporedo ćerdape sa averčhandutno, thaj ađes eksistuil vi e gluma, baleto, muzikako programiripe, fudbal, hemija, biologija, žuranistika, rromani thaj njamcicko čhib. Buhljarimava pozitivne piltengo thaj sar denas o krlo rromane čhavrenđe savo del len šaipe te ašaren piro kulturako aresipe, GRUBB del piro zuralipe ande amalipeski integracija e rromenđi.

 

Nakhle bršesko kava maškaripe selisajlo ando Novi Sad, thaj gajda ćerdape majterno Grubb maškaripe ande Serbija, a palo jekh brš ćerdinepe importantne rezultata. “Kova so si amenđe majšukar si te e čhavra naj po sokako, te vareso šukar sićon, te džan ande sikavimaske thana thaj te ćeren vareso kreativno thaj te trujal godoja bući ašunelpe lengo krlo thaj kova so kamen te mothon, a te amen avel kan pale godova.

 

Majbućarne thaj majkonstantne sikljaće, vastarutni GRUBB fondacijako dija nagrada thaj kamla laće but uspeho. Kana dija e nagrada thaj sar nakhli e prezentacija pale bući savi si ćerdi dži akana ando novosadsko maškaripe, počmisarda o harno programo kaj sikadinepe e problemurja savenca e Rroma malavenpe ande seđesutno trajeto.