Seminaro pale nacionalne konslurja ando sikavipe

Šerutno “Centra za regionalizam”, sikada, po anglunipe seminaarosko, programo kale projektosko. Avela ohto seminarja andar averčhandutno angrusnipe, a e sikavimatarja avena eksperturja andal kala angrusnimata, thaj e seminarja avena interaktivne.

 

Seminaroske membrujra sas ando šaipe te sićon neve šeja save ažutina lenđe ande avindi bući, numaj si but importantno te sa so sićile realizujin ande praksa.Odolaće kaj si oficijalne buća Nacionalne konsilengo limitirime, trubusardo si te sa jekh šansa savi sikavelpe vi labarelpe thaj te insistirilpe pe ortenđi realizacija. Kana pale godova egzistuil kanonosko palalipe, o sukceso naštik te biavel. Numaj, trubusardo si te angažuinpe thaj ketane te bućaren sa membrurja, fundosardo pe sistemsko priprema, argumentuime čačipeja thaj konretno planova pale bući.

 

Trajil baro đindo birešime problemonengo kana si o phučipe palo sikavipe rromane sikavnengo thaj studentonengo, a sa kava si odolaće kaj naj adekvatne kanonurja, institucionalno zurjalipe thaj džanglipe, diskriminacija thaj bitolerancija. Či džanelpe čačo đindo rromane čhavrengo save džan ande sikavne thana, thaj lenđe rezultaturja si majcîkne katar rezultaturja sikavnenđe aver nacionalosko.

 

Kana agorisarelape kava projekto e bućarne ando Nacionalno konsilo trubul te avel osposobime te majlačhe labaren o šaipe savo inzarel o Kanono pale Nacionalne konsilurja, thaj te majefikasno rešil e phučimata saven si phandipe e rromenđe inkluzijava.