ANGIUNI BUĆI

Duj čhave thaj e bori thaj ni jekh lendar naj bući, thaj kaja bući, akana, si jekhutno izvori lovengo pale kaja pandžedženenđi porodica. Rrom phenel kaj si e rromenđe but phare te araćen bući kaj but džene či kamen te den len bući kaj si len predrasude pale Rroma. Jekh lengo čhavo agorisarda maškarutni škola, palo konobaro, numaj nikad či ćerda bući ande piri struka. O čhavo thaj e bori đeline pe kompjuterenđi obuka thaj si len sertifikaturja, no ni godova či ažutisarda te araćen e bući.

 

E bojra si agorisardo kurso pale frizerka, thaj paćan kaj avela još konkursurja palo korkorrobućaripe, sar vi voj šaj te konkurišil thaj te putrel o salono. Odolaće si kaja familija but zahvalno palo šaipe savo sikadape lenđe thaj kamen te iskoristin la po majlačho čhand.

 

Andar kava šaj te dikhas a te na phučame khanči sar si importantno kava projekto odolaće kaj mol o barvalipe o momento kana sen ando šaipe te pire porodicaće anen garantipe. Kana pe godova čhos čačipe kaj si ando phučipe rromani familija, thaj kaj e bući dobisarda e rromnji, o importaliteto si još majbaro. Saveta phenel kaj katar kaja bući naštik but te zaradilpe, numal kaj si dosta pale fundoske šeja.

 

O porezo musaj te poćinen thaj kava haćardine ozbiljno. Phenen kaj katar dumutnipe ćerenas pošteno bući thaj ni jekh data či gîndinas te ćeren averčhande. Gajda sikadine vi pire čhavren, te aven lačhe, bućarne thaj paćavne džene sar membrurja ćidimatesko.