VOJ SI MAŠKAR MAJ LAČHE

E Ljiljana ando kava sikavimasko brš ramosarda e gimnazija ande Sremski Karlovac, majlačhe molinava andar fundosko sikavno than thaj lačhe nakhlimava po andralunimasko egzamo (nakhla dasikani thaj rusijaći čhib). Džal ando klaso čhibasko, a ašunel anglikano thaj rusijako čhib, save sićila vi ando fundosko sikavno than.

 

Vi paša godova kaj liduj bijandimatarja bućaren, paćal kaj therela šajipe pe stipendija, a rezultaturja ažućarel to teljaripe decembarosko. Godova avela baro ažutipe ando Ljiljanako proceso sikavimasko. Semno ažutipe familijaće sikavel si fakto kaj Guverna Inđija finansiril čhonesko dromaripe.

 

E čhavorro ando sikavno than teljarel bizo džanglipe thaj trubul les ažutipe ćhere palo sićope. Te o čhavorro zurjavelpes po sićope katar angluno klaso, vo kamlisarela sikavno than thaj sićope, a aska avel sa majloće“, mothon Ljiljanaći dej Irina.

 

Ljiljana kamel te studiril rusijaći čhib po Filološko fakulteto ando Beogrado thaj te jekh đes avel sikavimatari rromane čhibjako ande gimnazija ande Karlovci. Te vi majdur lundžarel te sićol thaj bućarel avela ando šajipe te čačarel sa pire planurja thaj kamimata. Kana pe godova čhos vi zurjavipe bijandi matarnengo, šaj te dikhas jekh but lačho varo palo anglunipe thaj aresipe ando trajo.