Kamimata Čhavrrikane kurkoske

Ando kava brš Čhavrrikano kurko učharel sportoske aktiviteturja, sar vi edukativne, piltarimašće, đilabimašće thaj ekologikane radionice, sar vi berza lilenđi, savesa ćerelpes promocija lilenđi thaj đinavimašći. Detoto lesamalipe si dino palo zurjavipe familijako thaj zurjavipe uslovurjengo palo čačaripe ortosko sa jekh čhavorresko te barjol ano trujalipe familijako (biološka, adopcijaći, lesamalimašći jal habenatešći).

 

Ando than Veliki rit, Bangladeš thaj Šangaj ćidipe „Snaga porodice“ inćarda kreativne radionice pale rroman čhavorra save si ande hurdalina thaj sikavne thana. Jekh radionica akharelpes „Moja želje, moje moći”, aver „Upoznaću svoja prava”. „Kamipe si te e čhavorra pindžarenpes pire orturjenca, te gođaverisaras len ando godova pučhipe, sar e čhavorra, gajda vi e bijandimatarja save si katae.

 

E čhavorra džanglline pala varesave pire orturja, sar kaj si orto po sićope, orto po ćhelipe, po saastaripe, orto po hasnaripe dejaće čhibjako, a pe radionica ašundine palo orto opo averčhandipe, a godoleja vi po lesamalipe diskriminacijatar, orto po arakhadipe, orto po piro gîndipe thaj orto te na aven hasnarde po savo varo.

 

Crdipe lesamalimasko majbuhljarde ašunimask pe orturja thaj trubulimata čhavorrenđe:

 

• Sikadipe po udžilipe savo, pašo sikavno than, raštra thaj laće institucije inćaren ando lesamalipečhavorrenfo thaj čačaripe lenđe orturjengo;

 

• Sikadipe pe lačhi praksa thaj pharimata ando čačaripe čhavorrenđe orturjengo;

 

• Zurjaviepe katar interresorna thaj intersektorsko khetanimasko bućaripe ando fundosaripe uslovurjengo thaj optimalno buhljaripe sa jekh čhavorresko;

 

• Promocija katar aktivno linipe kotoresko čhavorrengo ando andipe čhinadimatengo a save si phangle pala lende;

 

• Teljaripe inicijativako thaj neve akcijengo save anen majlačharipe thanesko čhavorrengo ande Republika Srbija thaj čačaripe lenđe orturjengo