Seminaro pale sikavimatarja Rromane čhibjako

30/09/23 | 09:50

Vakti: 1 min.

Ando Parlamento Vojvodinako inćardo si o seminaro pale sikavimatarja rromane čhibjako, pe save sas 27 sikavimatarja andar fundošće sikavne thana ande Vojvodina. Seminaro inćarda o ćidipe manušnjengo “Romena”, e učhardales o Pokrajinako sekretarijato palo sićope, ortuipe thaj nacionalne minoriteturja thaj Konsilo pale integracija e Rromenđi ande Vojvodina.

Foto: M. Karadžić

Kamipe saminarosko sas te e sikavimatarja (Marija Aleksandrović) khetane e sikavnenca te sikaven neve sikavimaske planurja thaj programurja pala rromani čhib e elementonenca nacvionalne kulturatar thaj tradicijatar ande fundošće sikavne thana, te arlin džanglimata, te sikaven dži akana aresardo thaj kova so si ando plano thaj kova so ažućarelpes.

Kamipe si te fundosarelpes rromani intelektualna elita. Godova fundosaripe teljarel ande fundosko sikavno than, no si trubulipe te lundžarelpes vi pe vuče nivelurja sićimašće, ande maškarutne sikavne thana tha pe fakulteturja. Standardizacija rromane čhibjako si primarno uslovo palo fundosaripe kale elitako.

Sa e manuša lipardine semnipe katar institucionalno zurjavipe kana ćerenpes kasave seminarja, no vi tale sa aver aktiviteturja save si phangle pala rromani čhib thaj lesko sićope ande sikavne thana. Semno si vi zurjavipe lokalošće thagarimasko thaj lokalšće korkorroortuimasko, sar vi zurjavipe bijandimatarnengo.

O seminaro pale sikavimatarja trubul, te, paše formalne bućarimata, te anel zurjavipe sikavimatarnengo te lundžaren pire bućarimava, te ande godova theren aresipe thaj te pire buća- rimašće varosa majkamlisaren sa majbaro đindo čhavorrengo te len intereso palo sićope.