Fundosaripe thaj teljaripe bućarimasko centrosko palo familijako bešipe

Palo zurjavipe sistemosko vazdimasko pe teritorija AP Vojvodinaći katar baro semnipe si fundosaripe Centrosko palo familijako bešipe thaj adopcija. Pala godova Pokrajinako zavodo palo socijalno lesamalipe ande kooperacija e Ministerijumosa pale bući, bućaripe marimašće thaj socijalne pučhimata čhinada varo vortome palo ačhadipe institucionalizacija čhavorrenđi majterne katar trin brša thaj ciknjaripe đindosko čhavorrengo palo čhutipe ande institucije.

 

Pala godova angluni komponenta projektošći si phangli pe aktiviteturja po regionalno nivelo thaj si vortosardi po gatisaripe sistemosko socijalne lesamalimasko palo fundosaripe thaj inćarimasko teljaripe bućarimasko Centrorengo palo familijako bešipe thaj adopcija.

 

Profesionalno zurjavipe konsilarimatengo palo socijalno lesamallipe si jekh katar kamimata kaleprojektosko. Sar o zurjavipe palo fundosaripe Centrosko palo familijako bešipe thaj adopcija katar Pokrajinako zavodo palo socijalno lesamalipe avela sar trubul thaj saučharimašći, konsilarke palo socijalno lesamalipe gatisardine treningo.

 

Treningo sas dinamično thaj zurjavimasko pale sa kola save line kotor pe leste. Po treningo e konsilarke pale socijalno lesamlipe therdine gođaverimata, haradine dileme thaj averčhandine džanglimata ando kava kotor bućarimasko. Bahtalipe aresarde rezultatonenca, sar sikavnengo, gajda vi sikamnengo, sas liduj rigako.