Dasikane guverne palo majlačhipe socijalne inkluzijako e Rromengo

Maladipe ćida majbut katar 50 manuša andar pilot guverne, forurja save len kotor ando projekto thaj manuša andar Delegacija EU ande Srbija. E šerutnimatarja katar guvernaće/forošće ortuimata, rromane koordinatorja, e urbanisturja, sar vi eksperturja pale pučhimata bešimašće e Rromenđe, line kotor ande diskusije thaj arlipe idejengo pale konkretne aspekturja projektošće save dasikane institucijenđe ažutin te e Rromane trajošće uslovurja majlačharen krozal fundošće orturja, linipe kotoresko e forutnengo, tržište bućarimasko, sićope, sastipe, trajisaripe, bešipe, prdal putaripe neve bućarne thanengo.

 

Po maladipe si sikadini analiza rromane thanendar ande 20 pilot guverne, akcentova po buhljaripe thaj identifikacija adekvatne modelurjendar palo majlačharipe bućarimasko e Rromengo, sar vi e rezultaturja katar mapiripe organizacijengo civilne amalimasko ande pilot guverne.

 

Teljardi si e inicijativa te fundosarelpe Forumo pale kooperacija maškar 20 pilot guverne save dela šajipe palo averčhandipe informacijengo thaj maj lačhe praksengo.