SIĆOPE – MAJVAZDIPE TALENTOSKO THAJ GENURJENGO

Mungrro angluno pašunipe e đilabimava sas spontane. Majanglal 17 brša, o dad Sava thaj e dej Darinka čhinadine te mungrri majterni phen Aleksandra ramosaren po ćhelipe (ples) thaj đilabipe, kaj sikada intereso pale godova. Kana sas e audicija mungrre bijandimatarnenca đelem vi me. Ćerdapes godova, kaj me nakhlem e audicija po than mungrre phejako (odolaći kaj e Aleksandra sas štar brša purani). Gajda o dad 1-2 droma po kurko inđardama andar Titelo ando Đurđevo pe privatne časurja, ke sikavni Katarina.

 

Kana e sikami đelji ande penzija, palem sasma baht te Maškarutno đilabimasko sićope ramosarav ande klasa ktar sikavno Papik Roberto. O manuša sićila ande Varšava, godova bućaripe (tipično pala Zapadne raštre) dija pire sikamnenđe, gajda kaj me katar kava sikavno averčhande dikhlam

pe muzika (kozom šaj). Ande Akademija ando Novi Sad, naj kotor pale harmonica, kana gatisardam Maškarutno sikavno đilabimasko sićope ramosardama po Filološko-artistimasko fakulteto ando Kragujevac.

 

Tumenđe sikavelpes kaj pe dav svato piphanglo, no anglal uslovo palo lačo đilabimataro si po angluno than te avel lačho manuš. Ađes si godova but pharo, kana simen moralo po teluno nivelo, but bilačhimata. No naštik te dasmen godolešće thaj te hohavasmen kaj o ažutipe avela rigatar! Ažutipe si ande amende korkorre! Den gođi pe godova.

 

Po agor ačhavas e Aleksandrošće naisarimašće alava sa kolenđe save ažutine lešće po lesko sikavimasko drom: „Kamav te sikavav mungrro naisaripe lačhe amalenđe thaj kolenđe save pindžarenma, save pire pozitivne bućarimava si „došale“ pala mungrre džiakanutne aresimata. Naštik kozom trubul te sikavavnaisaripe mungrre familijaće thaj sikavnenđe, save but ćerdine thaj buljardine mungrro karaktero, thaj save po varesavo varo losardineman palo mungrro trajosko akharipe. Pala familija či ni trubusarav te dav svato!“