AMENCA MAJŠUKAR SUNISARELPES

23/09/23 | 11:18

Vakti: 1 min.

Milenko Mišković lundžarda e tradicija savi varekana teljarda lesko prapapo. Majanglal biš brša korkorro teljarda o proceso ćerdimasko katar porra thaj produkturja katar lende. Ando intervjuo savo so dija ašunena sa palo lesko teljardipe, palo proceso sar ćidenpes e porra, varekana thaj ađes, sar vi pale godova dal si godova poćindimasko bućaripe.

Foto: M. Karadžić

Mungrri familija tradicionalno bućarel ando kava kotor. Majanglal lundži vrjama kava teljarda mungrro prapapo, aska lundžarda mungrro papo, aska dad, lesa vi me. Bućaripe vi sićilem e dadestar. Pe sila kamla te sićivav varesavo bućaripe. Sasma duj šajimata, jal te džav ando sikavno than, jal te bućarav kava bućaripe – te ćidav e porra.

Varekana sa sas majphare no ađes. Či sas vodrona. Ando teljaripe dromarelaspe ajzlibanova. Uštas ande trin saturja detharinava, dromaras džike gava ando trujalipe, ćinas deš, dešupandž kilogramurja porra. Te avel o ajzlibano, irisarasmen lesa, te či aska phuvjatar paše pruga. Gajda vi gatisardem o sikavno than.

Dićhelpes o kvaliteto porrengo, jal kozom procento katar paperje inćaren e pora. E porra majanglal čholpes ande “punilica”, kaj balirilpes pe pandžvardeš kilogramurja. Aska bičhalelpes ando uladipe, kaj ćerelpes selekcija. E “sortirka” si ćerdini katar trin komore, save klasirin e porra. E porra inćaren biš thaj pandž klasurja. So god si majpurano hasarel po kvaliteto. Aska e porra šîlavenpes prdal vakuumo thaj thovelpes ande štar paja e šamponenca. Talo thovipe e porra sućon pe 130 stepenura. Talo šućipe, čhos len ande specijalne PVC kisa, merilpes thaj bićinas.

Trajisarelpe…Trubul but bućarimata, a simen jekh bućarnes, sa aver korkorre ćeras. Dinimata thaj investicije si bare. Me personalno, majbut dijem ande mašine. Paćav kaj jekhvar šaj mothavas kaj boldape sa manđe. Akana, naj sem čaljardo sar trubul, no po poćinipe nastic te žalima. Das but amender no so theras poćinimata, no e vrjama si anglal mende.