Bućaripe sikadipe lačhe praksako ando kotor bućarimasko

JUROM Centar, RIC, HELP thaj CARE sikadine sar majlačhe te hasnarelpe manušalo kapitalo thaj resursurja palo privredako buhljaripe thaj te čhutelpes ande funkcija palo bućaripe e Rromengo, thaj sikadine hasnarimatarja kale programosko.

 

Po seminaro sas e manuša andar Konsilo palo majbuhljaripe thanengo e Rromengo thaj nakhadipe Dekadako e Rromengo, Kancelarija pale manušale thaj minoritane orturja, Ministerijumo bućarimasko thaj socijalne politikako, Delegacija Evropaće uni- jako, ćidimata katar civilno amalipe, sar vi e manuša andar civilosko sektoro andar Češka thaj akademikano amalipe Špancijako, savo sikadine lačhi praksa ando kotor bućarimasko e Rromengo ande Evropa.

 

Ažutimatarka ministarešće pale bući, bućaripe thaj socijalna politika (MRZSP), inkalda kaj semno than ando kotor dukhalde kupengo po tržište bućarimasko si e Rroma. Katar 2023. brš ande Nacionalno ćher bućarimasko, e Rroma šaj te alavarenpes talo nacionosko fundo bizo diskriminacija thaj pe godova varo te lel kotor ande aktivne mere palo bućaripe.

 

Tale andine sektorske mothodimata ando fokuso trubun te aven terne Rroma thaj Rromnja, sar vi te e lačhe modelurja aven bazirime pe informacije, pe kova so si ande praksa. Trubusardo si vi individualno pristupo thaj majzurjavipe familijengo, ekonomsko zurjavipe rromane familijengo.