Ciknjaripe te averčhandelpes ande zor

Kana si ando pučhipe sićope gatisaras pharimata savi si phangli pala dokumentacija pale čhavorra jal bijandimatarja, kaj varekana ni e bijandimatarja naj trubulimašći dokumentacija thaj musaj majanglal te gatisaras lenđi dokumentacija thaj aska e dokumentacija pala lengo čhavorro.

 

E čhavorra save ramosarenpes ande maškarutne sikavne thana šaj te theren trin stipendije, katar save si duj raštraće, katar Pokrajinako sekretarijato palo sićope thaj Ministerijumo prosvetako, a triti stipendija dija Rromano edukativno fondo andar Budimpešta, savi therdine majanglal kola save ramosardinepe pe medicina, no ćerdino si gajda te godoja stipendija šaj te len vi aver save ramosarenpes ando varesavo Vučo sikavno than.

 

Malavav lačhe manuša taj lačho khetanimasko bućaripe, vi kana si ando pučhipe lokalosko korkorroortuipe jal pokrajinaće thaj republikane organurja. Šaj te mothav kaj inćaras lačhi opral velarako bućaripe vi e matične službenca sar kaj si Njamciko, Italija, Francija.

 

Palo agor mekhas e alava katar kava koordinatoro savo mothol pire manušenđe: Či trubus te kovlisares talo gîndipe kaj si vareko majlačho. Sa jekh si lačho kozom zumavelpes te avel. Trubulipe si te bizuralipe averčhandelpes ande zor thaj te či vazdes e vasta.