NOVAK ĐOKOVIĆ VIKTORIA THAJ PLACERIPE KO SEMIFINALURI KO AUSTRALIAN OPEN!

Vi ko momentia kana si dukhado, kana si phanglo e śnurenca, vov sajekh resljarel te arakhel o maj laćho ande peste, sar so sas avdive mamuj o Carlos Alcaraz ko śtarto finalo e Australian Open-esqo, saves resljarda te marel les palal jekh baro maripe ano štar seturia thaj te planirinel pes jekh khelipe e Alexander Zverevosa ano maripe vash o finalo - 3:1 (4:6, 6:4, 6:3, 6:4)!

 

Epikano, fantastikano, historikano! O Novak Djokovic pale jekhvar sikavda thaj konfirmisarda savorrenge kaj vov si o maj laćho te źal pe tenisoske terenura, sar vov sikavda ande pesko khelipe mamuj o Carlos Alcaraz kaj kana si les 37 berśa vov śaj te khelel sar jekh terno manuš, vi te si les dukh so si les dukhadas les desar o mashkar e anglune rundengo.

 

Dikhas jekh fantastikano trito set, šaj jekh kotar e maj lokhe kotar o sasto turniri. Na sas pauza źi kana o skor sas 3:2, kana o Djokovic reslăs te kerel jekh! Numaj, sas phares te konfirmisarel pes kadava mamuj o zuralo Carlos, savo aba sas les 0:40 ko aver khelipe thaj lias o avantažo katar o trito break point thaj pale barabar.

 

Numa, si inke Nole! O Srbo arakhlja peski zor pale thaj shokisardas savorren pale ko Melbourne kana phagerdas o Alcarazesko serviso e nulasa, numaj te khelel shaipe o maj lokho punkto kotar o turniri pe pesko serviso ko avutno khelipe thaj te resel 2:1 ko akava matcho.

 

Thaj o śtarto set, pale, astarda pes śukar - jekh pauza katar o Novak Djokovic! O Srbo resljarda te lel duj break points ko 15:40, thaj kana vov nashti te kapitalizirinel o angluno, vov resljarda o dujto. Jekh zuralo maripe kerdas pes, sar o Carlos zumadas te iril pes ko khelipe.

 

Ano śtarto khelipe, o Carlos sas les i angluni śansa te kerel godo, numaj, o Srbo resljarda te ačhol ćhivdo pale ko 30:40. Jekh epikano maripe areslo, nesave punkturenca save amen na dikhlam but, but vrama.

 

O Srbo angluno drom xasarda bari šansa te lel duj-break-esko angleder, kana o Alcaraz resljarda te lel jekh na-paćavdo, maj lungo punkto e matchosko, thaj palal ko aver khelipe o Djokovic arakhlja pes katar duj break point-ura palal jekh aver. Thaj vov resljarda odova, kerindoj les jekh paso maj pashe ki vechnost.

 

O.V.