Virtuoziteto ki buti ki Beogradosko Filarmonia

Beogradosko Filarmonia si gatisardi vash jekh konvincivno sikavipe e virtuozitetosko ano sa o droma. O solemno "Largeto" katar o akanutno škotsko kompozitori James Macmillan putarel o programo sikavindoj e specialno śukar orkestrosqi anθ-e verver forme.

 

O solisti taro koncerti thaj čačo virtuozo ki buti si o fantastično Novi Sad violinisti Robert Lakatoš, kova kerela o Koncerto nr. 1 katar o Vjenjavski, jekh kotar e maj tikne, thaj maškar e maj phare ko standardno violinako repertoari.

 

Angluno viktori e prestižno konkursesko Pablo de Sarasate, avdive ov si violinisti e maškarthemutne karieresa, saveskere e lumiake kritikura phenen kaj si “idealno solisti e luksuzno, korkoro-paćivno tonosa, savo sakova vakti zumavel te čudinel e publika peski virtuoziteta ". Sa kadala si kvalitetura save o Lakatos ka tradel e Filharmonikane publikake pe Antonio Stradivari-ski violina katar o 1709-to berš.

 

Kobor virtuozno sasto orkestri šaj te ovel ka sikavel o šerutno gosto dirigento Danijel Rasjkin, telal kasko baton i Beogradoski Filharmonija ka kerel i sumptuozno suita nr. 3 savo sas ramome vaś jekh virtuozno orkestro. I kompozicia, savi sas baro triumfo vaś o Tchaikovsky rigate palal lesqi premiera thaj astarel e publika maj but desar 120 berśa maj palal, ka ćhivel jekh raći e filharmonikane virtuozitetosqi.

 

E biletura si bikinde, thaj e biletura ka oven bikinde jekh ćaso anglal o koncerto, kodo si katar o 7 p.m ki Kolarca kassa.

 

O.V.