BUĆARRNO ORRTALO STATUSO E KOORDINATORENGO PALE RROMANE PUČHIMATA

Ando ćeripe e Kancelarijako pale inkluzija e Rromenđi inćarrdo si maj jekh seminari pale koordinatorja pale rromane rromane pučhimata. Importantipe e seminarosko pale koordinatorja pale rromane pučhimata dićholpe ando maškarmanušikano kontakto e manušengo andar e lokalosko korkorroortuipe thaj koordinatorengo pale rromane pučhimata sar arlisarrdinesas džiakanutne therrde džanglimata thaj ketane zumade te nakhaven e pharimata savenca astarrdol o rromano them.

 

Funduja pe save si e koordinatorja pale rromane pučhimata ande foruja bućarrde si averčhande a averčhandon vi po alav lenđe bućarrne thanengo. Gajda palem dinipe e lovengo pale kala buća naj jekhutni. Bijekhutni praksa anel džiko biketano maladipe rromane koordinatorengo thaj džiko naštipe savrjamutne thaj lačhe nakhavimasko e bućako.

 

O Ninoslav Jovanović inkalda kaj si o instituto e koordinatorosko pale rromane pučhimata jekh katar ćijaće te das svato pale integracija e Rromenđi thaj kaj si e koordinatorja spona maškar e forutne thaj institucije e sistemošće. Sikada o bahtalipe kaj si po seminari thaj kaj aveka ando šajipe te ašunel pale phaimata savenca e koordinatorja maladon sar o Ministerijumo pale manušikane thaj minoritane orrte thaj themesko svato ažutisarrdasas ando nakhavipe akanutne pharimatengo.

 

E Kancelarija pale inkluzija e Rromenđi sar vi ande nakhle brša lundžarela e seminaronenca thaj edukacijenca pale koordinatorja pale rromane pučhimata kaj den buhljaripe palo majlačho, strukako thaj efikasno bući e koordinatorenđi pale nakhavipe e bućengo thaj ažutimatengo palo rromano them.