ANGLUNI RROMNJI SAR KONSILARRNI PALO SPORTO, TERRNE THAJ SOCIJALNO POLITIKA

But si importantno te e Rromnja aven ando themutno ćidipe pešće ćidimasko trujal direktno čhutipe ando bivladako sektori, palitikane partije jal trujal nesavo aver drom. Si Rromnja save aresle te theren pesko jekhipe, majanglal ande pešći familija thaj ando sasto rromano them, maškar save sem vi me. Kamavas te sićov thaj te godoleja lav aktivno čhutipe ando andipe e čhinadimasko sar me dijemas mungrro ažutipe ande integracija rromane themesko, majbut Rromnjengo.

 

Therrdo džanglipe ando Pokrajinako sekretarijato palo sićope, orrtuipe thaj nacionalne minoritetuja ažutin manđe sar ando domeno e bućako po vazdipe e araćhimasko e orrtengo pale nacionalne minoritetuja, gajda vi trujal averčhande multikulturalizmosko, tolerancija thaj ketano trajo nacionalne minoritetonengo.

 

Gndiv kaj ande brš save aven majbut ažutiva e bući nacionalne konsilonengo nacionalne minoritetonengo, sar vi lenđe ćidimatenđe. Sa pozitivne therrde džanglimata ulavava e bućarrnenca, numaj vi amalenca pal bući ande aver opštine sar ketane so majsig areslamas džike kova so kamas.

 

- Mungrro svato si te aven upotne thaj tena mućhen pešće sune. Naj loko drom džiko lačho rezultato, but pungrre trubul te aven nakhline, numaj po agor sa avel pe pesko than. Avutnipe e terrnengo, a ulade e rromengo, dikhav ande lengo sićope thaj majbari zor te korkorre džan ande korkorrobućarimašće paja. Te das dumo thaj das šajipe sajekh manušešće, majbut po teljaripe e bućarimasko, e terrne sa majbut pesko avutnipe phandena pala pešći phuv thaj pesko than – phenda e Živana Živanović.