ERIAC Srbija: Promocia e romane kulturako thaj participacia ko ključne Evropake procesia

Evropako Romano Instituto vash Arto thay Kultura (ERIAC) si mashkarthemutni organizaciya dedikimi vash o promoviripe e artesko, kulturako thay historiyako e Romengo, resary te laqharel o pozitivuno identiteti akale komunitetako. Kerdo sas ando 2017-to berš ando Berlino, ande kooperacija e Evropako Konsilosa, Institutosa pala Puterdo Societeto thaj e Romane komuniteta. ERIAC kerela buti ki sasti Evropa, thaj taro 2021. berš isi ole piro reprezentativno ofisi ani Srbija.

 

Ano sheruno e ERIAC-esko ani Srbiya si o Bratislav Mitrović, kova ulavgya amencar organizaciake aktivitetya thay sherune resya vash Srbiya thay regioni.

 

“Amen isi amen nekobor importantno inicijative, sar bašo Srbija thaj bašo sasto regioni.Jekh taro majimportantno si kooperacia amare partnereskere organizaciencar – Evropako Konsilo, Fondi vash Romano Edukacia (REF) thaj Nacionalno Konsilo e Romengo - pe implementacia taro rekomandipa bašo introdukcija tari romani kultura thaj tradicije ano obligatorikano fundavno školako programo”, vakarga o Mitrović.

 

Aver ključno aktiviteto e ERIAC-esko si phanglo e participaciasa ando Berlinesko proceso, savo si angluno drom kaj jekh rromani organizacia lel than ande gatisaripnasko kotor kadale importantno Evropako forumo.

“Sumiti e procesesko Berlinesko ka ikergyol ano oktobri, thay sito vasno kay o roma pe agor te ovellen shaipe vash te cirden o dikhipe vash olenge mangipya angleder evropake thay lumiake sherune”,vakergya o Mitrović.

 

Paše akala aktivitetencar, taro 13. dži ko 15. septembro, ERIAC thaj Konsilo e Evropako organizirinde jekh treningo bašo temato te paruvel pes o narativo medijako kovlipe e terne romane muršenge thaj džuvljengo, an o savo žurnalistia taro sa thema taro Zapadno Balkani, sar sar vi katar i Turkia, lias kotor.

 

“Amen reslam te kidina 35 terne žurnalistya kotar o regioni. Cil e treningesko sine kay savore amen te ovas may shukarno penjaripe e inkluzivune raportipeya, vash te shay te transferinen akava džanipe ano olengo redakcia thay te keren yekh netvorko e zhurnalistyengo dedikimo vash akava tema ,” phendas e Nadja Greku, projektosko sherutni.

 

Prekal olengere aktivitetia an i Srbija thaj o regioni, ERIAC na numa kerela buti te promovirinel i romani kultura thaj arto, numa aktivno lela kotor ano keripe ključno Evropake politikengo. Involviribe ano Berlinsko procesi thaj organiziribe e treningosko vash terne žurnalistura sikavela kaj o ERIAC khelel ključno rola ko zurjavipe e Romane komunitetosko thaj buhljarel pozitivno narativo bašo Roma ki Evropa.

 

A.N.