Lačharipe e sikavimasko pe rromani čhib: Ćaćimata thaj šajimata ande Vojvodina

Ando Blue Salono pokrajinako gavermento Vojvodinako ikerdape butjarno kidipe telal o anav "Lačharipe sikavipe pe rromani čhib ande fundone škole ande Vojvodina". Akava kedipe, organizirimo taro Konsilo baši rromani integracia, anela ključno aktoren ko umal tari edukacia thaj integracia taro rromano amalipa.

 

Ano kidipe sine kotorleutne: Dalibor Nakić, prezidento e Nacionalune Konsilesko e Romane nacionalune minoritetesko, Aleksandar Radulović, prezidento e Ekzekutivune Komitetesko, Bajram Morina, Generaluno Sekretari, Šeća Kolompar, Membro e Konsileskoro thaj prezidento e Komitetesko vash oficijalno upotreba e čhibakothaj Lila, Jelena Jovanović, Membro e Konsilesko thaj Pokrajinako Membro e Parlamentosko, Slađana Teodorović, prezidentka e Konsilosko pala e Rromengi Integracija, Marija Aleksandrović, doktorka ande džanglimata thaj profesori pala Rromani čhib thaj literatura, thaj Danijela Bogdanović, membro e Konsilosko pala e Romani Integracia.

 

Ando kidipe avile vi sikavne katar rromane ćhiba: Aleksandar Stojkov, Eldena Stanić, Petar Nikolić, Dušanka Fan, Đorđe Fan, Romeo Mihajlović, Slađana Nikolić thaj Đulizara Ramadanović.

 

Ko vakti taro kedipe prezentingje konstruktivno sugestie bašo pošukar o sikavibe ki rromani čhib, so si ključno kotor taro kulturako identiteti. Paše godova, sas propozime te formiril pes i Aktiviteta e sikavnenge rromane čhibjake, savi ka del šajipe te rodel pes love katar o Ministeriumo, e konstantno suportosa katar o Nacionalno Konsilo thaj e šajipesa te len than ande importantne projektura pala arakhipe e rromane čhibjako.

 

Akala pasura si resle te lačharel pes edukaciake standardia thaj te zurarel pes rromani kultura ando sićimasko sistemo Vojvodinako.

 

A.N.