Kidipe savo si reslo te lačharel pe edukaciako statuso e Romengo

Ando aźukeripen e neve siklăripnasqe berśesqo, arakhads pes arat ano Beograd jekh butǎqo khedipe maśkar e reprezentànturǎ andar i rromani komunitèta thaj o Ministeriumo vaś e siklǒvipen, kaj sas diskutime pal-e kljućne inisiàtive vaś o laćharipen e siklǒvipnasqo e membròrenqo andar o rromano nacionalo minoritèto.

 

Ko khedipe sine organizirimo taro Nacionalno Konsilo taro Romano Nacionalno Minoriteti, Kafiso baši Romani Inkluzija thaj reprezentantia taro na-govermentalno sektori, thaj ko Ministri sine kotor tari Dr. Snežana Vuković thaj Đurđica Ergić.

 

- Te del pes suporto e romane komunitetosqe anθ-i siklǒvipen si jekh anθar e śerutne cilǎ e Ministriaqe pal-i siklǒvipen. Keras buti te vazdas kvote pala ramosarimata pala romane studentura prekal afirmativne mere, sar vi te das stipendije pala studentura save den andre ando angluno berš e sikljovipnasko. Amen pakyava kay edukacia sito fundo vash socialuno inkluzipe thay barabaripe, thay ka kera buti e Nacionalune Konsileya e Romengo vash may dur te laqharen o kondicie vash edukacia savore siklovnengo,vakergya Dr. Snežana Vuković sherutni e departamentesko vash manushikane thay minoritetengo hakaya kotar o Ministeriumo vash Edukacia.

 

Ko kedipe vakerdilo propozalo save si ande relacia e uče edukaciake institucienca, sar so si o vazdipe e registraciake kvotengo pala romane studentura thaj šajipe pala stipendije pala studentura save den andre ko angluno berš e sikljovipasko. O ciljo kadale inicijativengo si te del pes maj but suporto e terne Romenge ande edukacia, sar vi te ciknjarel pes e pharipa savencar von arakhen pes kana ramosarel pes ande univerzitetura.

 

- Edukàcia si ključno faktoro vaś i integràcia thaj laćharipen e poziciaqo e rromenqo anθ-i societèta. Khetani buti e Ministriasa bašo sikljovipe del amen nadež kaj prekal konkretne mere thaj projektura ka lačharelpe o sikljovipasko sistemo thaj šaj te pobuter terne Rroma te astaren uči edukacija. E inicijative save amen prezentirisardam si phangle te keren jekhutne kondicie savorrenge, thaj paćas kaj khetane ka aresas signifikantno rezultatura, phenda o Dalibor Nakić, prezidento katar Nacionalno Konsilo e Romengo Nacionalno Minoritetosko.

 

Jekh taro ključne teme sine anaviribe taro trito baro khedipe so ka ovel organizirimo taro „Nacionalno Asociacia e Pedagogikane Asistentengo“, so adžikerel pe ko angluno kurko taro Septembro.

 

Pe akava kedipe ka prezentirinel pes o plano e butjako thaj aktivitetosko vash o sikljovipasko bersh 2024/2025 kadale profesionalno asocijaciako, specialno fokuso pe inicijative save ka den kontribucia vash maj efektivno inkluzija e romane studentongi. Sar ini, ano kedipe ka diskutingyol vash te definiringyol e rola e pedagogikane asistentengo, sar ini vash te reslol olengo butyako-juristuno statusi.

 

Reprezentantia taro Ministeriumi bašo sikljovibe dende sasto suporto bašo propozalo inicijative thaj mothovde o adžikeribe kaj palo anav taro nevo ministri ka resen konkretne rezultatia ko lačharipe e poziciako e Romengo ano sikljovipasko sistemi.

 

O kedipe mashkar e reprezentantia tari romani komuniteta thaj Ministeriumi bašo sikljovibe markerel importantno paso palo lačharipe e sikljovipaskere kondiciengo e membrienge taro romano nacionalno minoriteti. Prekal khetani buti thaj dedikuime zor, akala inicijative isilen potencijali te keren pobut jekhutne kondicie sa e studentenge thaj te den kontribucia ko pošukar integracia e Romengi ko societeto.

 

A.N.