SIKADIPE STUDIJAKO „TRUBULIMATA KATAR INTERNO MIŠKOSARDE RROMA”

Pale studija thaj rezultaturja svato dine Hans Fridrih Šoder, šerutno po Šerutnipe UNHCR-a ande Srbija, Vladimir Cucić, komesaro pale našavde thaj migracije katar republika Srbija, Ljuan Koko, membro po Nacionalno konsilo rromane nacionalne minoritesko thaj dr Slobodan Cvejić, autoro studijako. Hans Fridrih Šoder dija gođi vi pe godova kaj vi tale dešušov brša talo maripe andar 1999. brš, paše 90.000 interno miškosarde manuša ande Srbija inke inćarel trubulimata ćerdine miškosardimava thaj trubun čhinadipe pala sa jekh vrjama.

 

Sar ažutilapes lenđi lokalošći integracija trubulipe si te majzurjavelpes thaj te majsiđarelpes realizacija – te thaj sa džike o irisaripe avel ando šajipe. UNHCR del ažutipe interno miškosarde manušenđe ande Srbija katar 1999. brš thaj si gatisardo te zutjavel strategija thagarimašći Srbijaći te sa lenđe therel sajekh vrjamko čhinadipe ande avutnimašće nekozom brša.

 

Lundžarda kaj e informacije andar rodimata musaj te hasnarenpes po majlačho varo sar avela dino zurjavipe thaj majbuhljarde uslovurja palo produktivno thaj savo trubul trajo pale interno miškosarde Rroma.

 

Komesaro pale našavde thaj migracije Republikako Srbijako, Vladimir Cucić, čačarda kaj o rromano nacionalno minoriteto si pindžardo sar detot dukhadi kategorija katar interno miškosarde manuša, thaj kaj Komesarijato bućarel po majbuhljaripe katar lenđe trajošće uslovurjengo thaj amalimasko-ekonomika- no than. Vo mothoda kaj o Komesarijato lundžarela te učharel bešipe katar interno miškosarde manuša ande kolektivne centrurja sa džike pala lende či avel therdino sajekhvrjamako čhinadipe.

 

Komesarijato lundžarela te lel sama pe interno miškosarde Rromen ande formalne thaj aformalne kolektivne maškara thaj e Rromen – irisarimatarja talo Kontrakto pale readmisija. E fundurja pala kava bućarimata avena therdine andar Anglalaresimašće fondurja Evropaći unija thaj aver maškarthemutne donatorja.