SIĆOPE ANDA LAČHIPE

Merima Nika majanglal sas stažista ando „Poletarac“ ando Alibunar, a aska gatisarda anglalbućarimašći vrjama sar pripravniko thaj ramosarda o kontrakto sar pedagogikano asistento pe rromani čhib. Dićhimasa pe godova kaj godova kontrakto gatisarelape sigo, paćal ando lundžaripe kontraktosko. Džiko Merimako angažuipe avilo gajda kaj anglune šov čhona lako poćini pe dija e Kancelarija pale inkluzija e Rromenđi, a aver šov e guverna.

 

Bahtali si e khetaneimašće bućarimava e vinajenca, logopedova thaj pedagogova. Sa majbaro đindo rromane čhavorrendar ramosarelpes ande hurdalina, thaj gîndil kaj si trubulipe palo pedagogikano asistento. „E bijandimatarja si čaljarde, a kate sam te motharas pe sa lenđe pučhimata“, inkalel e Merima.

 

O šerutno paćal kaj e Merima ačhela po piro bućarimasko than vi majdur. „Merima si lačho sikadipe kaj del zurjavipe thaj vi aver rromane čhavorrenđe te sikavenpes“ inkalda o Jovanović savi detot naisaripe del šerutne manušešće ande guverna thaj šerutnešće anglalsikavimašće ćheresko palo arakhadipe šajimasko te avel džiko Merimako angažuipe.

 

Sa e manuša mištardinepes kaj o Merimako angažuipe si trubulimasko kaj voj pire džanglimava, bućarimava butimasa ćerel efekto pe rromane čhavorra, ažutisarel len ando sikavipe po sistemo thaj gatisarel len, zurjavel thaj vortosarel pe avutnimašće pasurja ando sićope. Dinipe ando anglalsikavimasko sićope anel džike majlačhe rezultaturja ando majpaluno sikavimasko proceso, thaj si semno te po godova drom rromane čhavorra inćaren vortope thaj ažutisaripe savo trubul.