Allen Umer: Sar sikavno thaj mentori, zumavav te inspiririnav e studenton te sunen bare

Paše katar o del džanglipe pala i rromani čhib thaj kultura, peska bućasa voj zumavel te del kontribucia pala o barjaripe e haćaripnasko thaj respekto pala o diverziteto maškar e čhave. Vov zumavel te kerel jekh inkluzivno ambienti ande savo svako studento hatjarel pes akceptirime thaj suportirime, thaj te resel godova, vov implementiril verver aktivitetura thaj implementiril but kreativne ideje.

 

 

Me sagda mangljum te fokusirinav mire diverzitetoske aktivitetura po suporto e romane komunitetosko ando sudo Srbijako, ando Bujanovac. I pozicija sar sikljovno del man šajipe te kerav interakcija direktno e ternenca thaj del šajipe te dav kontribucija ko zuralipe e romane kulturako thaj identitetosko prekal edukacija. Miro ciljo si te dav zor e romane ternenge te identifikuinpe gordosa peske barvalipaske thaj te barjaren o patjavipe ande pire džanglimata thaj śajutnimata. Me mangav kaj pe akava drom ka keras maj lacho haćaripe thaj koegzistencija maškar sa e komunitetura ki amari škola thaj maj dur.

 

 

Miro involviripe si but fundosardo ano zor e ternenge te len aktivno kotor ano politikano thaj socialno jivdipe e komunitetosko. Na numaj si miri buti, numaj vi miri pasìa ​​thaj misìa. Prekal mire mentorikane rolje, miro ciljo nane numaj te transferinav o džanglipe, numaj te inkurajiv e ternen te oven o pivot e paruvipnasko. Me kamav te haćaren pengi zor te keren o avutnipe thaj te hatjaren pes zurale te maren pes vaś pire idealură thaj interesură.

 

Sar prezidento e Lokalno Ternengo Konsilosko kotar o Bujanovac, me fokusirisardem man te kerav than kote so e terne shaj te oven inspirime te angazhirinpe thaj te sikaven pire ideje. Ande kado smislo, ame organizisaras evenimentura save resen sasto dialogo, workshopura save vazden e śajutnimata thaj projektură save śaj te laćharen specifikane problemură and-i komunitèta.

 

 

O puchipe pa o mukhipe e shkolako ano vahti e shkolako si importantno thaj sensitivno puchipe. Bibahtake, vi te si butivar kerdo o progreso, isi amen pharipe save amen arakhas amen. Amen sam konscientno kaj nesave faktora, sar so si ekonomikano bibarabaripe, bi-resurse thaj sociokulturalne bariere, si asociirime e mukhipe e shkolako ano vaxt e shkolako. Amaro ciljo si te keras buti te nakhavas kodola pharipa thaj te sigurisaras kaj sako ćhavo si les akceso ki kvalitetno edukacia.

 

Prekal ververutne inicijative thaj projektura, sar so si edukaciake programura, konsiliribe e dadencar thaj dadencar, dendo dodatno suporto e studentonge saven si pharipe te sikljon, thaj promoviribe e importancako e edukaciako ki komuniteta, amen zumavas te ciknjaras o numero e kazurengo e na-enrolmentosko ja o mukhipe e shkolako.

 

Si but importantno te kerel pes buti sajekh te vazdel pes o džanglipe pala e importanca e edukaciaki thaj te kerel pes jekh suportosko ambienti ande savo sako čhavoro ka avel les šajipe te realizirinel pesko potencijalo. Amen ka keras kooperacia e lokalno thaj maškarthemutne partnerencar te šaj te arakhas dureder solucie thaj te sigurinas kaj sa e studentura ando Bujanovac thaj paše thana si len šajipe te resen pire edukaciake cilura.

 

 

Jekh katar e ključne valutura save me aresav ande mire studentura si o patjavipe ande pire šajimata thaj śajutnimata. Me zumavav te inspiririnav len te sunen upre thaj te paćan ande peste, bizo dikhipe e pharipa saven si len, sar vi te oven gatisarde te keren buti phares te resen pire ciljora. Paše odova, si importantno te barjarel pes o vazdipe e sikljovipasko, o barjaripe thaj o respekto e diverzitetosqo. Me akcentirinav lenge i importanca e empatiaki, respektoski thaj haćaripnaski karing e javera soske kadala si ključne vrednosti te vazden pes harmonikane relacie ando societeto thaj te keren pes jekh inkluzivno komuniteta kote savore šunen pes akceptirime thaj respektime.

 

O.V.