Ando Ternengo Centro ando Beograd sas kerdini lekcija pe romani historija pe o divano "Samudaripen".

O Ternengo Centro ano Beograd sine pherdo vizitora, thaj odola so sine odothe sine len shaipe te pindžaren pe historikane faktia bašo pharo destin e Romengo ko odova periodi, majbut ko thana kotar avdivesko Kroacija thaj Srbija.

 

E lekcije kerde kotar e historičara Danijel Vojak kotar o Instituto pala socijalne džanglimata “Ivo Pilar” kotar o Zagreb thaj o Mladen Jokšić, profesori kotar o Fakulteto pala Politikane džanglimata ando Beograd.

 

O Vojak dizajnirisarda piri lekcija sar introdukcija thaj prekalno dikhipe, dendoj relevantno informacija vash e Romani historija, astarindoj kotar e anglune migracije kotar i India thaj imigracija ki Evropa. Ov sikavgya kay ano angluno periodi olengo beshipasko ani Evropa, o Roma sine percipime pozitivune, sebepi so sine sikavde sar kulturalno sar e lokalune komunitetya. Numaj, e Otomanikane penetràciaça anθ-i Evropa, i atituda karing e Rroma astarda te paruvel pes, registrisarindoj maj bari diskriminacia thaj persekucia, maj but ano vaxt e Maria Teresa thaj o Joseph II.

 

O profesori Jokšić fokusirisardas pe maj akanutne thaj tragikane aspektura katar e romani historija, maj but pe e dukh e Romengo ko Dujto Lumako Maripe thaj e fašistikane režimura ande sasti Evropa. Ko piro prezentiribe vakergja o importantno kulturako memorija thaj markiribe taro thana taro bare kriminalitetia te šaj te arakhel pe o memorie taro Romane viktime.

 

Akava kedipe si numay yekh kotar buteder kola siton organizime ani sasti Srbia thay regioni vash te vazdingyol e historia thay kultura e Romengi, numay ini vash te gndinelpe vash o vasnipe te arakhape e nakhavutne vash te lelape siklipe vash o avutnipe. Apelarinav te džal maj dur e edukaciasa thaj suportosa sa e inicijativenge save den kontribucia po lačho dikhipe thaj haćaripe e romane komunitetosko, phenda o historičari Daniel Vojak ko agor pire lekcijako.

 

A.N.