PRIMERJA LAČHE PRAKSAKO

15/08/23 | 10:42 ≫ 10:45

Vakti: 2 min.

Anadar o programo Njamcicko buhljarimasko kooperacija „ Inkluzija e Rromenđi thaj aver marginalizujime kupengo ande Srbija” sikavas duj paramiča andar o trajo. Anako svato si andar o seto e marengo „ Vazdipe e bućarimasko” džikaj si e Slađanaći paramič andar e trito faza e projektošći „ Inicijativa pale inkluzija”. Kala si paramiča pale zurale rromnjango, Rromnjengo, save čhutile ande preduzetnikane paja thaj pešće primerova šaj te inspirišin aver rromnjango te teljaren e dromeja katar o izazovo thaj neve šajimаско.

Foto: Kancelarija za inkluziju Roma

Daravas kaj ćerava vareso kaj či kamav. Nisar či haćarrdem e diskriminacija kaj sem Rromnji. Kamenma vi e amala vi e čhavorra thaj e familije savenđe si majimportantno kaj silen paćape ande mande kana denma pešće čhavrro. Džanel kaj si bahtale kola manuša save kamen pešći bući. Maj katar cikne pungrre džanen čače so kamen thaj godova šaj te theren, atoska si lengo sasto them. Gajda haćarrdol e Kragujevčanka Ana Nikolić savi trajil pesko čhavorrikano suno. Dija gata maškarutni sastarrni sikavni, smero vinaj, thaj aresli te avel vinaj ando čhavorrikano anglalsikavno than. Vi ađes haćarel bahtalipe kana delpe gođi kazom sas laće importantno kaj sas ando šajipe te ramol kova so kamla.

– Gndisarrdem kaj, tena avilemas ando šajipe, sasto trajo avilemas ando musajipe te ćerav vareso so či kamel thaj godova dijama pakha te mišto sikadov. Sigo ažućarrdem ted av gata e sikavni. Semas but lačhi sikamni, numaj bi godolesko po lačho aresipe sas phare te avelpe džike bući. Gadići semas bahtali kana teljarrdem te rodav nesavo bući samo tena bešav. Šaj te avel kaj pale godova kaj sas e pandemija e bući najsas, thaj atoska manđe sar pal opralipe ando aprili kale bršesko areslo o akharipe palo čhutipe ando projekto pale inkluzija e Rromenđi thaj khate sem. Ćerav so but kamav – asal e Ana Nikolić (20) savjava pale godova kaj si zurale sastarimašće phandavimata thaj araćhimos pale čhavorra das svato ande avlija anglalsi kavnethanesko “Amalipe” ando Kragujevco.

E Ana barili ande lačhi familija. E mama Radmila (46) thaj o dad Slobodano (44) sas čhinadipe te e čhavorra den majbut so šaj ando majranije barjaripe. Pale godova e dej či ćerelas, a o dad inćarelas e familija sar kovači thaj manuš sunakune vastengo thaj šel bućengo. Kana e čhavorra crra bariče, palem godova vi e dej bućarrdili te ćiravel.