PROJEKTO “VAZDIPE E BUĆARIMASKO PALE TERRNE RROMA I RROMNJA“

E aktivno thaj barjarimašće kotorengo trujal e Maškarutni, Istokošći, Jugoistokošći Evropa thaj Tursko, e Fondacija del e grantuja thaj stipendije pale buća. O programo nakhadol trujal o program katar o sićope džiko bućaripe, jal šajimata palo čhutipe ando buhlo katalogo strukaće sikavimatengo palo therrdipe e sertifikatonengo, palem godova pherrdimašće sikavimasko (džikvalifikacija, prekvalifikacija) thaj po agor te džan pe poćindi strukaći praksa ando raštrako jal čačo sektori, ando dićhipe lenđe kvalifikacijenca.

 

Nakhavimava e programosko dino si o ažutipe pale majbut katar 1300 terrne Rroma, prekal 200 manuša therrda bući, a 360 manuša ćerrda strukako stažo. Paše godova, 696 terrne Rromnja thaj Rroma nakhlo trujal o programo palo sićope thaj strukako sićope, a majbut katar 100 manuša dine gata e kursuja aver čhibjengo thaj ECDL programosko.

 

Reintegracija e Rromengo save irisajle si ažutipe sićimašće reintegracijako pale Rroma save irisajle trujal e grantuja pale lokalne bivladaće ćidimata.

 

Bivladaće ćidimata den e manušenđe trubulimašće informacije, ažutipe kana ramonpe ande sikavni thaj te ćiden e lila, sar vi pherrdimašće klasuja andar e dasikani čhib thaj aver sikavne klasonengo.

 

Ćerrdini si lundževrjamaći kooperacije e trubulimašće institucijenca thaj maškarthemutne ćidimatenca save ćeren ande kava kotor te bišaj ćeren e uslovuja pale sistematikani reintegracije pale irisarrde.

 

O.V.