MUNGRRO SUNO SI TE AVAV LOSARRDI PALE OLIMPIJAĆE ĆHELIMATA 2024.!

Majbaro kamipe sila te avel losarrdi pale Olimpijaće ćhelimata 2024. brš. O bokso si lako baro kamlipe thaj pasija thaj maj jekh data sikada kaj e bućava thaj phare bućava šaj te avel džiko kamipe.

 

E boksova teljarrdem katar mungrre dešuduj brš. Vi mungrri amalin sićol bokso thaj đelemtar lava te dikhav sar si po sićope, majanglal štar brš thaj but sas manđe šukar. Gajda kaj đes pale godova teljarrdem ande sala palo bokso.

 

Teljarrdem te sićav ando BK Vojvodina thaj khote semas trin brš a po teljaripe kale bršesko ando svato e familijava thaj akanutne trenerova a savo si vi selektori rromnjango boksersko reprezentacijako e Srbijako, Mirkova Zdralova nakhlem ando BK Obilić, ando Zvorniko. But sem bahtali neve klubova thaj trenerova savo si po majvučo niveli posvetime e takmičarengo thaj klubošće pale so sikaven vi mungrre aresimata ande kava brš.

 

O boks si but rodimasko sporto. Sajekhđesutne treninguja, pripreme thaj sikavimata. Akana trajiv ando Zvorniko a vanredno džav ande privatno ekonomikani sikavni ando Novi Sad. Sajekh đes siman po duj treninguja, gajda kaj si kasavo sićope majbut pala mande.

 

Pala mande si majimportantjo sikavipe palo Evropako anglunipe kaj sikavav mungri phuv. Evropaće anglunipes si ulado pharipe thaj importantipe, thaj godova si majbaro aresipe sajekh terrne bokserošći thaj uvek si suno te maladon po majvučo areslino skamin.

 

Kava si štarto anglunipe pe savo sikavav amari phuv. Paluno brš therrdem rupuni, a kava brš bronzano. Bahtali sem thaj uvek dikhav anglal, dav manđe neve kamimata. Lundžarava phare te ćerav, avava kamli sar dži akana thaj bare ažućarimava dava ande sajekh sikavipe savo avel, uvek šerutne kamimata, a godova si te anav medalja ande Srbija savi si pala mande sumnalipe.

 

O.V.