≫
Vakti: 1 min.
TATO ĆHER PALE MAJTERRNE
≫
Vakti: 1 min.
Nevesadosko Banđaripe pale čhavorra thaj terrne, ćher thaj jekhutno banđaripe pale butđinde majterrne pal ulica, trajil 11 brš. Ando Banđaripe aven but korisnikuja, so pe jekh rig sikavel po baro đindo e čhavorrengo pal ulica numaj vi pe bući thaj griža e bućarrnengo save sajekh đes ažutin kale čhavorrenđe ande averčhande buća.
Foto: A.N.
E čhavorrenđe save trajin thaj ćeren pe ulice ando Novi Sad, putarrdo si o vudar e Banđarimosko savo del len araćhipe katar e griža savi o trajo dijalen. Ando than e Banđarimosko, dijam svato e Nikolava Jovanovićeja, koordinatorova ando Banđaripe pale čhavorra thaj terrne.
Katar o teljaripe, e banđaripe pale čhavorra thaj terrne ando Novi Sad sas lonengo thaj strukako ažutipe katar o Forosko orrtuipe palo socijalno thaj čhavorrikano araćhipe ando Foro Novi Sad. O habe palo korisnikuj, katar o teljaripe, therelpe andar o budžeto e Forosko, Anglalsikavnjaće ćheresk.
O Banđaripe pale čhavorra thaj terrne e metodologija e bućako fundosarel pe principuja palo korkorro kamipe, participacijako thaj ćeripe e programosko gajda te avel lačho palo trubulipe thaj intereso e korisnikonengo. Majbut korisnikuja aven andar e familije save trajin ande uslovuja bare čorrmasko thaj socijalne inklistimasko.
Foto: A.N.
Bući e banđarimasko nakhadol sajekh đes (astarimava vi e kurćengo thaj sumnale đesenca). Kamipe e banđarimasko pale čhavorra thaj terrne si dinipe harrnevrjamaće thaj harrnedromešće intervencije thaj pheripe akanutne trubulimata e korisnikonengo, sar vi maškaripe ando therrdipe aver bućengo ando ćidipe.
E čhavorrenđe thaj terrnenđe e socijalno bući e banđarimasko šaj te theren 7 đes ando kurko ando duranipe katar 12,5 časuja.
O.V.
Nevimata save si povezime
ORRTA PE BUĆI
