ĆER KOVA SO KAMES THAJ ČI ĆEREJA NI JEKH ĐE

Si, bućarrno than si sistematizujime vareso majcrra sar sem bućarrdi thaj katar 1. Januari kale bršesko therrdem bućaripe sar koordinatori pale rromane pučhimata pe lundži vrjama.

 

Trujal o operativno plano savešće buća nakhaven e membruja andar o mobilno timo pale inkluzija e Rromenđi thaj Rromnjenđi delpe po 600.000 dinarja andar o foro thaj gadići del e Savrjamutni konferencija e forutnenđi thaj guvernenđi trujal ramome e haćarimasko pale kooperacija akana dujto brš.

 

Inkalde si vi e love ando bućarimasko kotor palo čhutipe ande duj projektuja save si nakhadine ažutimava katar Nemačko buhljarimašće kooperacijako, GiZ-osko i SKGO-sko a saven sas palo kamipe sikavipe thaj ćeripe e šajimatengo pale Rroma thaj Rromnja te aven bućarrde vi pašo ekonomikano zurjaripe aresen jekhimasko statuso maškar o them.

 

Trujal o angluno projekto „Integrisano ažutipe palo bućaripe rromane themesko“ sertifikujime si 66 a bućarrdo 4 manuša ko pindžarrdo bućarimatari, a trujal o projekto „Ažutipe pale inkluzija e Rromenđi thaj aver dukhavne kupengo“ sertifikujime si 51 manuš, džikaj 35 bućarrdilo, a kola save ćiden sekundarrne buća save nakhle o sikavipe pale ekologija thaj araćhipe e dukhavimasko pe bući therrde ažutipe sar kaj si e htz buća thaj elektrociklo palo bućaripe ande manušikane uslovuja de so sas ando palunipe.

 

But si ćerrdino ande sa kotora, godova si sićope, bućaripe, bešipe, socijalno thaj sastarimasko arakhipe. Gndilpe, kaj si sar ande majbut foruja, majbut ćerrdino ando sićope, sastarrne thaj socijalne pučhimata, ulade palune trin brš otkanara o foro ćerrda angluno akciono plano palo socijalno čhutipe pale Rroma thaj Rromnja.

 

Pučhipe e bućarimasko si aktuelno ande paluno brš thaj opaš đes trujal e projektuja pe godova alav, thaj e rezultatuja si dikhline numaj na maj trubulimašće palo kamipe savo savorra ažućaras – a godova si ekonomikane zurjarrde familije thaj lačhipe savo godova anel. Ando bešimasko kotor po angluno drom o foro dija than thaj ćerrda planošće lila palo vazdipe socijalne ćherengo thaj ažućarelpe o šajipe te trujal pherrdimašće love teljaras ando nakhavipe.

 

O.V.