Forošći lilvarrni ando Novi Sad – krjango „Trifun Dimić” ano Šangaj

Kamipe palo fundosaripe kale lilvarrnjako sas te pe jakh than ćidenpe sa lila save si ramome pe rromani čhib, te ćiden e lilarrne thaj kulturaće dikhljarrde manušen andar o rromano thaj narromano them, numaj ulade te buhljarel đindimašći ođi ke čhavorra thaj terrne.

 

Ando dićhipe kaj e Rromen naj Zavodo pale kultura, funkcija kale ćheresko lija e lilvarrni, so putarrda nevi dimenzija ando bućaripe kale krjangosko.

 

Katar o fundosaripe e Rromenđi aktivno si čhutini ando nakhavipe e merengo afirmativne akcijako ando kotor palo bućaripe sikavimava e programonengo palo araćhipe e bućarrne thanengo ande Srbija, integracijava e Rromengo ande raštraće institucije ulade akcentova po bućaripe e koordinatorengo pale rromane pučhimata ande lokalne korkorroorrtujimata, sar vi nakhavipe ulade konkursonengo palo korkorrobućaripe thaj nevo bućaripe.

 

Rromane koordinatorja si finansirime pe averčhande kotora, a e Kancelarija intenzivno ćerelas pe godova te ande sajekh opštine o than palo koordinatori avel sistematizujime, a e koordinatorja te aven ande lundževrjamako bućaripe.

 

Pe bibah, ađes ande majbaro đindo e opštinengo naj bućarrdo o koordinatori pale rromane pučhimata, majanglal pale godova kaj si e lokalošće korkorroorrtujimata inertne thaj kaj najle kamlimašći voja.

 

O.V.