TERRNI THAJ VAZDINI ROMNJI USPEHO PALO SASTO THEM

Kana džavas pe studije ćeravas ando Lolo Trušul po projekto palo savo dija love e Švajcarsko. Ćerasas e čhavorrenca andar socijalno ugrozime familije thaj ažutisarasas lenđe te ramonpe ando lačharimašće grupa pale sikavni. Bući e čhavorrenca pherelman thaj lenca si manđe sajekh vrjama šukar.

 

Gndiv kaj si akana averčhande. Ande mungrro trujalipe e deja thaj dada but den palo sićope e čhavorrengo thaj kamen te lenđe čhavorra trajin majfeder de so von trajinas thaj pale godova si manđe but šukar. Pe aver rig si palem čheja save rano len rrom thaj gndiv kaj lenđe trubul dino o ažutipe.

 

Vi lenđe thaj lenđe familijaće, te phenelpe lenđe kazom si importantno o sićope thaj kaj rane linimata ćeren pharipe lenđe čhejanđe ande sa gndimata.

 

Mungrro svato si te den thaj paćan ande peste. Paše godova kazom avilo phares trubul te nakhadon tumare kamimata thaj tumaro intereso. Kaj khonik naj ni majlačho ni majgođaver, sa sam sar jekh. A o sićope si jekh drom palo majlačho trajo.

 

O.V.