Vakti: 2 min.
DŽAN ANDE SIKAVNI THAJ SIĆON, SAR TUMARO AVUTNIPE AVILOSAS MAJLAČHE
Vakti: 2 min.
E Biljana Hajrizi si terrni Vrbašanka savi dija gata o Sastarimasko fakulteto ando Novi Sad thaj therrda akharipe pale sastarrni. Akana si po stažo ando “Sastarimasko ćher” Novi Sad a kamlasas te džal pe specijalizacija pale pedijatrija.
Foto: Kancelarija za inkluziju Roma
Mothon harrne vareso pala Tumende thaj o drom tumare sićimasko?
Teljarimava ando angluno klaso fundo šće sikavnjako e dej thaj o dad sikavenasma te avav responsa bilno thaj lačhi sikamni thaj sigo avilem korkorrutni ando pherrdipe sikavimašće trubuli matengo. Sajekh sikavno brš dijem gata majlačhe molar nenca. Džavas pe sikavimašće maladimata andar e dasikani čhib, istorija, fizika, biologija thaj theravas 1. thana, semas ando sikavno horo thaj tambu - raško bendo thaj naisarimava godolešće losarrdi semas pale generacijaći sikamni po agor ohtoto klasosko FS “Svetozaro Miletić” ando Vrbaso.
O Vrbas si than kaj teljarrdem anglune pasuja ando sićope, therrdem anglune aresimata ando ažutipe e majlačhe sikavne manuša save vi pindžarrde mungrro potenci jali, therrdem majlačhe amala thaj pale godova avena ande mungrro ilo thaj ando šukar gođipe! Palem fundošći sikavni ramosarrdem e Sastarimašći sikavni “7 aprili”, kotor pale pedijatrijsko phen tehničari, kaj atoska džanavas kaj si o sastipe kotor saveja kamav te ćerav Trujal maškarutni sikavni therrdem kamipe te ćerav e čhavorrenca thaj kamlem te avav pedijatro jekh đes. Trujal but sićope, zor thaj bući, sićope palo prijamno ispito pale sastimašće studije, ramosajlem po Medicinsko fakulteto ando Novi Sad thaj džiko agor e studijengo semas po budžeto sar redovno studento.
Ko sas Tumenđe majbaro ažutipe po sićimasko drom?
Mungri dej thaj o dad dineman majbaro ažutipe trujal mungrro sićope. Maj anglal e phral thaj me sam sikade te avas sikade (vaspitime), lačhe thaj paćivale manuša thaj nais lenđe pe godova. Amaro sas samo te sićos. Naisarimava lačhe familijako nisar najsas man phandadimata po drom mungrre sićimasko.
Si varekana maladile e diskriminacijava?
Nasman bilaćhe therrdimata ando sićope. Sasman but lačhi vinaji, sikamne thaj profesorja save sas sajekh drom objektivni, pindžarrde mungrro potencijali, butivar ašarimava mothonas pale mungrre arаsimata thaj dineman motivacija palo majdur buhljaripe. But baro ažutipe sas man vi katar mungrre amala anadar o klaso ande fundošći than maškarutni sikavni. Sa von paćanas ande mande thaj nais lenđe pe godova!
