Neve kapacitetuja thaj neve šajimata palo bućaripe

Projekto talo alav “Neve kapacitetuja thaj neve šajimata palo bućaripe” si phanglo palo vazdipe e kapacitetonengo rromane themesko po bućarrno than. Trujal o rodipe e rromne manušenca avilam džike godova pale save edukacije silen intereso.

 

Gajda palem ćerrdam vi o rodipe kolenca save bućaren pal teritorija e Ožakošći savel si intereso palo nakhavipe e edukacijengo po bućarrno than. Ande kooperacija e sikavne thaneja palo sićope e barengo nakhadam teorijako kotor e edukacijako pale savi e manuša save si astarrde therena sertifikato pale agorisarrdi edukacija.

 

Trujal edukacija palo pindžarrdo savo bućarel edukujime si 20 rromane manuša thaj godova: 2 magacionerja, 6 frizerke, 2 voditelja informativne programosko thaj 10 bućarrne ande patavenđi industrija. Bućarrno ande patavenđi industrija mothoda kaj si šajipe palo bućaripe neve bućarrnengo thaj ažućarel te delpe svato e kandidatonenca save sikadine nesave džanglimata pe edukacija, inkalda o Marković.

 

Nakhavipe e projektosko “Integrišime ažutipe palo bućaripe e Rromengo”, finansirime katar e EU, Pokrajina thaj foro Vršco IPA-SKGO “EU pala TUTE” trajisarrda jekh brš. E projekto sas palo kamipe te ekonomikane zurjarel, ažutil ande socijalno čhutipe thaj te sikavel e Rromen thaj Rromnjen pale averčhande buća thaj te trujal džidokvalifikacija aven majkonkurentni po bućarrno than. O projekto mol 55 mije evruja, pale savo 10% del.

 

Akana nakhavas o projekto talo alav “Ažutipe socijalne inkluzijaće ando Vršco”, pale savo dija love e Njamcicko buhljarimašći kooperacija thaj Giz-o. Dži akana si bućarrdo 10 gerontoćherutne thaj 5 bravarja thaj zavarivača, ande vrjama katar 6 čhon – inkalda voj.

 

O.V.