DOKUMENTARNO SERIJALI “KOSMOSO RROMENGO”

Ando jekhipe e Radio televizija Vojvodinaći tho ćidipe Klastejra kreativno industrijako Vojvodinako, sikadine dokumentarno serijalo „Kosmoso Rromengo“, savo sikavel o trajo the tradicija e Rromengo ande Vojvodina ando 21. šelbršutnipe. Jekto katar pandž kotora „B i r a v n o m a n u š “ , s i k a d i s i p o Maškarthemutno đes e Rromengo, po 8. aprili. Majanglal savoren bahtarda o h.v. šerutno pe RTV Jožef Klem, savo vaćarda kazom si importantno kava projekto a majbut palo projeto mothoda e šerutni po projekto Marijana Jović, e koscenaristujra the žurnalistujra andar e Rredakcija pe rromani čhib, Ružica Kovačević tho Božidar Stojkov. Svato dija vi o Ninoslavo Jovanović anglal o Rromano nacionalno konsili, savo mothoda: “ Kava ađes sikavel sar e raštra dićhel pe Rroma, a o alav katar o serijali „Kosmoso Rromengo“ anel dićhipe anglal thaj ando anglunipe“.

 

O projekto ažutisardine o Ministribe pale kultura tho informišipe, Pokrajinako sekretarijato pale socijalne pučimata, demografija tho jekhipe maškar e manuša the Forošći uprava pale kultura katar o foro Novi Sad.

 

E dikhavne šaj dićhena thaj pindžarena e rroamani tradicija tho kulturako aresipeso ćerelas o Biramno manuš, sar von dićhen pe religija, buhljaripe the standardizacija čhibjako, sar dićhen pe hamime abjava thaj so ćerlpes kana trubul te delpes ando abjav.