ROMANO NACIONALNO ELEMENTO THEMEŠĆE IDENTITETOSKO

Paše rromani čhib, palo rodimasko sićope e istorijako thaj kulturako kale themesko, bari rola si vi e čhibja aver themesko, ulade kolengo prekal savenđi phuv naćhenas, jal pe lende vi lenca trajinas ande lengo butvekonengo dromaripe katar e Indija džiko akanutno bešipe.

 

Gajda, ande funduja godole kulturako trajil jekh pindžardi- masko trajipe savo del nesavo dićhipe po them thaj manuš. Rromano dićhipe po them, savo afirmišil e manušes thaj trajosko molipe maškar save si majanglal e baht. Baht si ande rromani kultura maškarimasko dićhipe thaj jekh katar majimportantne role ando trajo e manušengo andar godova ćidipe.

 

Lenđi čhib si, mothon but romologuja “inventari materijalne thaj ođaće kulturako”, savjava varekana sas phangle, a ande jekh vrjama sila elementuja e kulturako aver themesko, savenca sas ando azbape trujal lenđi lungo seoba.

 

Te mothas kaj si baro averčhandipe ande stavuja pale vrjama, a godoleja pale istorija ke Rroma thaj gadže. E Rroma sar avile ande maškarvekovno Evropa sas avrjaluno them. Či inkalenas ni teritorijalno kamipe thaj najsasle oorta pale buća save si phangle pala lende. Somajbut, hasarrde vi e gođi pale pesko “dejako ćher”.

 

O.V.