KAMPO PALE TERRNE

Kampo pale terrne si ažutime katar o projekto Zurjaripe nacionalne thaj lokalne sistemosko palo ažutipe lačhe themutne-ekonomikane integracijako boldimatengo po Zapadno Balkano, pale savo del love e EU ande Srbija. O ćidipe e manušnjengo Romena trujal o ažutipe katar o UNDP e UNHCR Srbija thaj Asocijacija terrne volonterengo, nakhada o Kampo pale terrne pe Divčibare pe savo sas 40 terrne manuša andar averčhande thana, čhutimava e familijengo save boldinepe thaj našavne, Rromen thaj Rromnjen thaj terrne dasen.

 

Trujal nekobor sićimašće thaj kreativne buća, sar kaj si radionice palo aktivizmo e terrnengo, liderja thaj kola save džan palal lende, timošći bući thaj sosatar si importantno o aktivizmo, mentalno sastipe e terrnengo, manušikane orrtengo, artistipe, sićimata, motivacija thaj probući thaj impakto themešće khuvdimasko po trajo e terrnengo, e terrnen sas šajipe te aven ando svato pale godova sar te vazden o aktivizmo e terrnengo thaj themešći kohezija ande pešće lokalne ćidimata thaj te aven čhutine ando kapacitetosko vazdipe thaj bućengo e ćodimatengo palo phandipe aver terrnenca andar averčhande trujalimata.

 

Butivar sam svedokuja palo pasiviteto thaj pesimizmo e terrnengo savo dićholpe trujal cikno niveli palo čhutipe e ternengo ande humanitarne thaj volontronenđe ćidimata, bihaćaripe e terrnengo te mothon pale lenđe bipherrdine trubulimata, baro inklistipe e terrnengo andar e raštra. Alavarrde pharimata si te mothas vi majimportantne terrnenđe pharimata kaj si von uslovo pale aver socijalne pharimata.

 

Kamipe e radionivengo po kampo si te del zor e terrnen te aven majbut aktivne ando posko trujalipe, familija, sikavni/fakulteto thaj buhle maškar o them. Dićhonpe e stavuja pale korkorre orrte thaj šajimata te vareso arrlilpe ando trujalipe sar vi čefal forutne akcije šaj te anen pozitivne arrlimata ando trujalipe.