METI KAMBERI – FORO E DUKHENGO

Godova si mungrri misija thaj kamipe! Te godole čhavorrenđe ava dad saves najsasle thaj pedagogo thaj vaspitačisavo ažutila len sar vi manđe ažutisarrde mungrre vaspitača. Kamlemas te šaj te kava lileja vazdav o gndo ke aver manuša, te džungavav kova manušikano thaj tato so paćav kaj sajekh manušes si, a godova si empatija pe aver manuša.

 

Gndiv po haćaripe pe mukline čhavorra, bidošale ođa saven sas šajipe te bijandon sar bahtale, te avenle dada thaj deja, ćher, fundošće uslovuja palo trajo. Ramosarimava kale autobiografijaće romanosko, savo sajekh ramome rigako, khoselas kotora but oćiljkonengo save inđarav pe ođi.

 

Haćaripe si kotor katar mungrro trajo. Vi mungrre sunengo. Sajekh đes kamav te našav katar godova, numaj na našimava, no manušikane naporova thaj bare bućako te sudbina sar si mungrri. No na samo pale čhavorra, no pala sa aver bibahtale thaj namalade manuša, save si, sar kala čhavorra, korkorre tha mukline ande pesko.

 

Phirav ulicenca e phraleja, mangavas, thaj čoravas. E socijalne bućarrne lineme katar e dej thaj inđarrde ande hraniteljsko familija, a ande 12 brš nakhlem ando Domo pale čhavorra. Kockisajlem, pilem, semas ando bezdano katar beda thaj bilačho trajo.

 

Gndiv kaj mungrro lil vi pe đinavimatarja terapeutikane ćerela, kaj trujal o diniše thaj ažutipe avrenđe vi korkorre avena majlačhe thaj majbahtale manuša.

 

O.V.