RROMANE CAREN „LIZARE“ ANDO KAĆO AVELA DROM THAJ AVRJALUNI ELEKTRIKA

Trujal kamimasko čhinadipe e institucijengo, andar o Foro Novi Sad thaj forošće institucijenfo, numaj vi e kamimatengo rromane themesko save trajin khate, alavarrde si e projektuja pale vrjama savi avel – katar čutipe grino barjako trujal e care džiko dromesko ćeripe.

 

Dija svato e manušenca andar kala care thaj atoska mothoda kej si bahtalo pale godova kaj si o foro Novi Sad maškar anglune foruja ande Srbija kana si o pučhipe e integracijako rromane themesko thaj kaj andar e forosko budžeto denpe love sar o integrativno proceso avilosas majsigo thaj areslosas kamlimasko rezultato.

 

Programuja save den šajipe e inkluzija e Rromenđi thaj Rromnjenđi si lundževrjamaći, kompleksno thaj specifikani. E Kancelarija pale inkluzija e Rromenđi ćerela te e sektorja po lokalno thaj regionalno nivel khuvdelpe thaj te e informacije majsig aresen džike relevantme akterja save šaj te den pesko dinipe ando nakhavipe dikhline pharimatengo. Godoleja ćerenpe neve dićhimata pale komunikacija save dena majlačhe andimata.

 

But baro ažutipe katar o Foro Novi Sad thaj forutnesko šerutno Vučević, ćerela vi kava drom te e Rroma šaj te trajin sar vi sa aver bešutne kale thanesko, numaj vi te e Rromen si trajo pe kala thana, perspektiva savi del šajipe palo ašarimasko trajo thaj vorrta ažutipe e trubulimašće institucijengo – mothoda e dikhljarrdi manušnji.

 

O.V.