Vakti: 2 min.
HEMBARO UĐILJIPE SA E ROMENGO SI TE BIĆHALJEN E ĆHAVOREN ANE ŠKOLA
Vakti: 2 min.
Interviu e Milošesa Nikolić, Upravniko kotar o Nardono pozorište andare Subotica, a pre trn brešasa sasa i o direktori Kancelariako pala inkluzia Romenđi
Foto: Aleksandar Nedeljković
Miloš Nikolić si Upravniko kotar o Nardono pozorište andare Subotica, savo duj boš but sukcesno ćerel piri bući. Vaćardamasa ljesa katar e romani ćhib, akterišipe Romengo ane themese organora, sar vi katar e šajimata e terne Romenđe thaj Romnenđe save inzarel e phuv Srbija.
Da lji sićimasa thaj mothoimasa sarsave talentenca, romano kupatnipe ane Srbija šaj te phađarel e stereotipora?
- Ane palune biš boš amen sar kupatnipe ćerdamasa jekh baro miškoipe ano trujalipe sićimasko savo si apsolutno dikhljindo. Ađive ano Univerziteto ano Novi Sad thaj Uće škole Vojvodinaće, svako boš ramosarenpe upral 120 studentora romane nacionalitetose, a ane sasti republika gova đindo naćhel trišel. Ćhinav gođasa kaj poloće resa te perava but bare bimangljimata mamuj o romano kupatnipe. Amen ane nakhlje varegaći boš dobisardam baro đindo doktora đangljimase ane Vojvodina. Gova amenđe vaćarel kaj sam amen sar kupatnipe thaj e phuv Srbija reslam te paša pomožipe themese thaj maškarthemutne organizaciengo pomožisara romane kupatnimase ano hemimportantno segmento ano sićipe.
E Dekada e Romenđi si nakhlji. Vaćarn amenđe, da lji sen ćajljarde rezultatenca resljinde an akava vakti thaj so ašuđaren katar e neveljindi Strategia e Romenđe thaj Romnenđe, savi trrail dži ka 2030. breš.
- Ako gola rezutatora dićhen andar e righ manušesi savo bešel ane romani malava, vov ka vaćarel tumenđe kaj e Dekada đi ljeste ni avilji. I me sem ljesa. Sebepo, ćaće naj khanći dikhljindo ćerdino andral o kupatnipe. Ane Vojvodina sartena ćerdilosa majbut an sa e Evropa. E Dekada sar idea sasa laćhi thaj voj mukla te o romano pućljipe ćhulpe ano fokus themeso thaj maškarthemutne themutnimase. Ćhinav gođasa kaj amen but vakti hasardam ano administra tivno kotor Dekadako. Ane avutne 10 boš, dok trajisarelasa e Strategija pala socialno ćhutipe Romengo thaj Romnengo, trubusara te gova moldosara an disave konkretikane akcie. Amen sam ađive dikhljardine e ćaćimasa kaj majbaro đindo Romengo mućen e Srbija sebepo phare thanesko.
So bi po krajo amare vaćarimasko šajinasa te den haberi đenenđe romane nacionalitetose?
- E Roma trubun, maj anglal, te den zori. Kana o amaljipe dićhel kaj den zori, kaj den zori, univar khoni ka purardolpe te pomožisarel. Hembahtalo sem kana dikhav e rezultatora disave terne Romeso, munre bućarnenđe thaj munre personalno rezultatora, atheri đanav kaj naj sasa diljikanutno sa akava so ćerav.
O.V.
Nevimata save si povezime
ŠKOLESKO MATALURĂ VAŚ E STUDENTURĂ TARO ROMANO NACIONALITETO ANDI KOMUNA BRUS
KETANE ŠAJIMATA PALE SA ČHAVORRA
MILOŠ NIKOLIĆ – PROFESORI PALO BAŠALIPE, MARELPE PALE MANUŠIKANE ORRTE, RROM, DAD
