NISAR TENA ČI PAĆAN ANDE GODOVA KAJ CIKNI KUPA POSVETIME THAJ ANGAŽUJIME FORUTNENGO

 

Me sem Monika Ajvazović, andar o Beogrado sem thaj si man 27 brš. Dijem gata pale socijalno bućarrni thaj akana sem pe master studije pale Socijalno politika po Fakulteto politikane gođaverengo. Kana semas ande fundošći sikavni či ni gndisajlem kaj aresava sa kova pale savo dikhlem suno ande godoja vrjama. Mothovas kaj kamav te sićov, kaj kamav te tradav vurdon (ande mungrri familija atoska ni jekh rromnji či tradelas afto) kana barjov thaj kaj jekh đes trajiva korkorro ande mungrro stano. Ađes šaj te mothav kaj samo godova korkorrutnipe trubulman. Sar čhejorri sunaravas pale godova tena nijekh mungrri pašutni thaj amalina kana barjas lel rrom, sar avilamas ando šajipe ketane mungrre vurdoneja te džas ande niskoteka thaj raćako inklistipe. Mungrre čhavorrikane sune sas te phenav phangle pale godova tea vav ande jekh niveli e muršone membruja mungrre familijako save tromanas sa ando dićhipe pe rromnja “pale save džanelaspe kaj si lengo than”. Akana si manđe sa godova asajimasko kana davga gođi godolestar, numaj džanav kazom si manđe averčhando dićhipe pe čhejorra maj atoska sas importantno thaj kaj atoska kamavas arrlipe thaj jekhipe pe savo sasman impakto ande vrjama mungrre barjarimasko.

 

 

Studije socijalne politikako thaj socijalne bućako losarrdem andar but personalne kamimata. Gndiv kaj sajekh manuš savo anel čhinadipe pale kasavi jal aver profesija kaj trubul te inđarrdol vi personalne paramičava, personalne therrdine džanglimasko kaj atoska godoja bući ćeras ilestar, palo nesavo majvučo kamipe savo naj materija lne naturako thaj savo anel personalno satisfakcija.

 

 

Angluno malavipe e diskriminacijava (pale savi dži mungrro 16-to brš či ni džan glem so si) sas ando pandžto klaso fundošće sikavnjako. Davman gođi Venošće dijagra mosko ando angluno opašutnipe numaj vi pharuvimatengo andar dujto opašutnipe. Paše godova kaj sa fundošće sikamnengo sas šoko korkorro teljaripe ando pandžto klaso, but neve sikavne bućengo, maj vi averčh ande sikavnengo, manđe majbaro pharipe sas e matematika sav isas crra majhurrdi no ande anglune klasuja. Ande godola brš džanavas te dikhav ko “kamelman”, savenđe sem simpatično thaj ko či kamelman, thaj atoska e sikavnja andar e matematika čhutem ande godova dujto rrndo manušengo save či kamenman. Kazom god kaj trujal o dejako ažutipe sićovas pale kontrolne thaj ramosarimašće testuja, andar nesavo dićhipe sajekh rezultato sas bodujime negativno molimava, so ande mande poteljarrda destrukcija, bilačho stavo pe časuja e matematikane. Sa džike jekh đes mungrri dej či avili ande sikavni thaj roda katar e sikavni e matematikaći te dićhel mungrre ćerrde kontrolne thaj ramosarimašće testuja. E sikavni sas zbunime dejaće rodimava, numaj voj dijala mungrre ćerrdine testuja. Palo harrno dićhipe e dej dikhla kaj mungrro džanglipe pe godola testuja najsas pale jekh, pe so e sikavni mothoda kaj sem me averčhandi katar aver rromane čhavorra thaj kaj sajekh dej thaj dad trubul te sikavel griža pale molimata pešće čhavorresko thaj kaj si voj iznenadime kaj godova ćerrda e dej jećhe čhejako andar e rromani mahala. Semas korkorro rromani čhorri ande godova klaso savo či džalas po lačharipe andar e matematika godole bršesko.

 

 

Kana si pučhipe pale nesave majud pla nuja, po personalno plano si manđe te kava brš dav gata e master studije. Po bućarrno plano ćiradon averčhande gnduja save si phangle katar o avrjaluno impakto. Pandemija COVID-19, arrlisarrda but planuja gajda kaj kemas ando dićhipe vi nesave bikamline situacije save šaj ande bari mera te avel impakto pe averčhande gnduja thaj planuja. Gndiv kaj si importantno vrjama pale nesave buća thaj kaj naj sa ando trajo ando plano, majbut sem pale godova kana či ćerelpe plano, kaj paćav kaj o univerzumo po agor ćerel pesko. Alav pale terrne Rroma thaj Rromnja Alav savo bičhalav sa e terrnenđe si citati katar e Margaret Mead: “Nisar tena či paćan ande godova kaj cikni kupa posvetime thaj angažujime forutnengo them, kaj godova avel!