Barabaripe thaj averćhanipe maškar e Roma thaj na Roma

Šelje bošenca kupatne đuvdimasa Dasengo thaj Romengo pe akala thana, ni dine uladine pozitivno rezultatora pe umaljin prinđarimasi istoriako, kulturako thaj ćhibako e Romenđi, aj vi jekhutne elementora nacionalno identitetose golje themese.

 

Šaj te paćvalje vaćardolpe kaj si e Roma majdur majbare prinđarutne dasikane kulturako se kaj si e Das prinđarutne romenđi, sose e Roma trubuje te prinđaren dasikani kultura thaj na butvar te ljen la sar piri. Pe gova ćhand e Roma ćerde presia pe piri asimilacia.

 

Maj baro đindo naučnikongo aćhen pe gova kaj e Roma trubun te tretirinpe sar nakhavutne averćnautne segmentenđe kulturaće a neve rodimata romane tradiciako mothon kaj von arakhlje disave kulturaće fragmentora disave themengo, majlaćhe thaj majbut katar okola kasi si goja kulturaći kuštik.

 

E vaktora kaj si angla amende, kana ćerdolpe katar e romani thaj dasikani istoria, kultura thaj ćhib, trubun te aven šenome procesenca akulturaciako, sose andaren sa e aktivimata save inđaren karing majlaćho thaj pherdutno prinđaripe romane materijalno thaj svuntone kulturako pe akala thana.

 

Akava teksto si bibarikano andipe golje procesonđe, kase majhorimase thaj majlaćhe prinđarimase bahtardiva, an savo sam sigurno kaj sig ka avel.

 

O.V.