Kultura romane themesi

E Roma siljen pire institucie thaj adetora save laćharen maškarmanušenđe relacie, sar kaj si po missal bahtaripe, dindipe, điašuđaripe, pašarnipe, dićhimata, pherasa, kupatno bućaripe, ćerdipe hesaposko katar purane diferenciripe, sikavimata, gestora, familjijaće bare đivesa, bimukljipe incesteso, seksualno ćhinadimata, adetora phandine e pubertetesa, dićhipe pharimasko, dinipe ćućako, ćhinavipe katar e ćući, dukhavipe, adetora phandine e prahomasa thaj familjija.

 

Ke Roma si buća thaj adetora, save mothon e relacia manušesi thaj naturako sar kaj si: ćerdipe alatoso, ljindipe jagako, bešipe, moldope vaktesko, dićhipe kalendareso, kosmologia, magia thaj suje- verje (uladine ano phandipe e procesesa sastarimase), mitologia, ćhinavipe krisimasko, nakhavipe sunesko, ešatologia, bimukljine hamata, upralnaturalno đene, mothodipe katar o đi, đindimata, medicina.

 

E Roma pe disave thana siljen vi specifikane amaljikane institucie sar kaj si po misal: njamosko rendo, organizacia, amaljimata, njamosko kanuni, hakora astarimase thaj kuštiknimase, kaznimase moldomata, averćhanipe ano amaljikano statusi, ćhinadimata kupatne đuvdimaso, njamose grupe, ćhib, rituali, sikavipe ćhavorengo, etika, prandipe, folklori, ćheljimata, muzika thaj ljilvarnipe.

 

Ane kultura romane themeso uladino đandipe siljen mothodmata katar o bimelalo thaj melalo. Averćhanipe maškar o “bimelalo” thaj o “melalo” silje but baro đandipe ane kultura e Romenđi, savi si pe ćhib golje themesi akharelpe rromanipen ja rromano čačipen.

 

O.V.