KETANE ŠAJIMATA PALE SA ČHAVORRA

Bući pedagogikane asistentošći si te del ažutipe thaj maj ažutipe e sikamnenđe ando dićhipe pe lenđe trubulimata. Ćerrdine si thaj buhljarrdine e kontaktuja rromane ćidimava thaj familijenca e sikamnenđe, e familijen si majlačho kontakto e sikavne thanenca, ciknjarrdo si đindo kolengo save či aven po klaso, e sikamne ačhen ando sićimasko sistemo, arakhadol antidiskriminativna kultura ande institucije thaj nakhadol kana avel džike diskriminacija.

 

Lešći rola si majanglal ando ažutipe palo čhavorrengo sićope andar e dukhavne grupe, bući e čhavorrenca save aven andar e gava, rromane čhavorrenca thaj čhavorrenca pale save o sikavimasko kolektivo dićhel kaj trubul len sićimasko ažutipe.

 

Gndilpe vi pe kooperacija e sikavnenca, sikavne pedagogova, šerutneja pe sikavno than, numaj gndilpe vi pe kooperacija e sikamnenđe familijava, e lokalne korkorroortuimava, e Lole tušuleja thaj Maškarimova pale socijalno bući. Bući ande sikavni e sikamnenca ande mungrro bućaripe anel e bući e čhavorrenca save ćeren pe individualno sićimasko plano.

 

Pharipe, kana si pučhipe o sićope ande Selenča si vi godova kaj o sićope džal pe slovačko čhib, so e rromane čhavorrenđe anel baro pharipe. Majbut kana teljaren, numaj džikaj či nakhaven e čhibjaći barijera. Ažutiv e čhavorrenđe barjarimava katar 7 džike 10 brš numaj katar 1 džiko 4 klaso.

 

O.V.