NACIONALNO RROMANO SRBIJAKO TIMO SAS BUT LAČHO ANDE SLOVENIJA PE NAKHLIBRŠEŠĆI SPORTIKANI OLIMPIJADA

Korkorro buhljaripe thaj e inkluzija silen baro andipe ando proceso e integracijako Republikako Srbijako ande Evropaći unija, numaj vi but importantno mućhipe po gndo rromane themesko ando them. Importantno miškope palo buhljaripe e Rromengo thaj Rromnjengo ande Republika Srbija trujal o sporto, vizija si terrne Miloradošći Popovićešći, savo fundosarrda o Nacionalno Rromano Srbijako timo.

 

Ćerdinme si e Rromane sportikane olimpijaće ćhelimata ande Mursko Sobota ande Slovenija. Pe kava baro takmičenje sas pandž grupe nacionalne rromane timonengo barjarimosko katar 8. džike 12. brš, godoleja kaj ando timo andar e Srbija sas vi duj majterrne takmičarja pe rromani olimpijada save aven andar e Vojvodina.

 

Fudbalsko seniorsko Rromano timo andar e Srbija inđarrda hasna ando finalo, opral o favorite Nacionalno timo e Rromengo andar e Slovenija rezultatova 5:3. Dikhlini si but lačho ćhelipe vi jekh vi avrešće timosko, but šukar potezuja thaj nekobor šukar goluja.

 

Palo majlačho ćhelarrno po turniri losarrdo su o Gusti Ivanov andar o Nacionalno Rromano timo Srbijako savo ande agorimašći ćhelutni dija 4 goluja, a palo majlačho golmano losarrdo si o Dušano Nedeljković, savo si, maškar aver, katar 2015. brš vi angluno golmano Srbijaće reprrzentacijako ande majtrrne kategorije.

 

- Žao manđe kaj naštisarrdam te las kaba turniri. Gndiv kaj majbut sikadam katar sa timuja po tutniro. Dujto than ande kasavi phari konkurencija, naj bilačho rezultato, numaj gndiv kaj aver drom avelama crra majbut bah thaj kaj vazdasa o pehari - harrne mothoda o kapiteno Nacionalne Rromane Srbijaće timosko palo barjaripe džiko 12.brš o Dušano Nedeljković.

 

Majanglal so teljarela o ćhelipe se fudbalerja bičhaldine vasno svato e themešće kaj si o „Rasizmo“ zabranime ande lengo trujalipe thaj avrjal leste. Programo katar o Konsili e Evropako „Briswa“, buhljarrdo si ande sasti Evropa thaj sile kamipe, te promovišil o averčhandipe, tolerancija thaj maripe opral o rasizmo.

 

O.V.