INTERVJU: PHARE BUĆAVA OPRAL E PREDRASUDE

But drom e rromnja sikadine kaj trujal phari bući thaj baro zalogo šaj te nakhadon vi majbare pharimata, ulade rromane themesko. Sar mothon e rodimata andar e raštraće thaj maškarthemutne organizacije, majbare pharimata savenca e Rromnja si kaj najle sićope kazom trubul, bijandimasko (na)jekhipe thaj diskriminacija ande familija thaj them.

 

Sa godola bilačhimata save džan pala Rromnja, numaj vi sasto rromano them već decenijenca palpale, nakhaven jedino ketano thaj solidarno terrnengo bućaripe, sikade thaj harizmatikane rromnja – mothol e Jelena Jovanović, angluni dikhljarrdi manušnji andar e rromano naciono ando Parlamento AP Vojvodinako.

 

But si importantno te e Rromnja aktivno aven čhutine ando themesko trajo, sar trujal o angažmano ande politikane partije, gajda vi ande bivladako sektori, numaj vi pe aver riga. Si maškar amende, Rromnjende, primerja save sikaven kaj šaj te inkljelpe po gor palo pesko statuso, palo jekhutno than, majanglal ande familija thaj rromano trujalipe, numaj vi pe bući, ande sajekhđesutno trajo, ande savo sem korkorro svedoko.

 

Ulado dićhipe delpe vi Rromane kulturaće identitetošće thaj araćhipe e gođa pe trubulime datumuja thaj majcrra pindžarrde faktuja andar e istorije e Rromen ande Vojvodina. Kasavo primeri sas e piltengo sikav palo mudaripe e Rromengo ando Angluno themesko maripe.

 

Godova si zor katar e ideja, kamipe thaj avutnipe čefal e rromane ćidimosko, numaj vi avrenđe, o šajipe palo majlačho dethara arrlil ando čačipe, a amanđe save pe godova drom jekhutne vazdas kasavo trujalipe, del zor te trajis vi ande marimata save si po angluno dićhipe naštisarrne.

 

O.V.