NATAŠTA TASIĆ: KAMIPE PE ANGLUNI NOTA

Dal vareko varekana ašunda palo manuš saves najsas izazovuja ando trajo? Vrjamava dikhas kaj si sasto trajo pherrdo baht thaj izazovuja. Vareko godova dićhel majsig, vareko majkasnije, a kana dikhas pe mungrri familija, pe izazovuja dićhelpe sar činjenice.

 

Uvek direktno astarasasmen lenca, ando paćape thaj kamipe, thaj dikhlam kaj nakhlam sa kova saveja o trajo čhudasas pe amende.

 

Mungro kamipe si o đilabipe thaj o đilabipe godova kamipe bolda manđe. Kamimata, čače buća ando trajo losaren tut, a na te sa tu musaj te gndis thaj malaves. Dakanara đilabavas ando khanđerjako horo ande amari lokalno khanđeri S. Đorđešći še Bežanija ando Beogrado. Maškar godova, či gndisarrdem kaj mungrro đilabipe avela mungrri profesija.

 

Kana gndiv pe late, po mungrro uzori, teljarel te avel manđe jasno save si godola manušikane linije pale save o manuša anen čhinadipe te teljaren mungrre pungrrenca: detumen majbut thaj žrtvujisavon, phari bući, sićope thaj kamipe: kamipe pale sa manuša, kamipe pale kova so ćeres, pale ćiri familija, čhavorra, kamipe!

 

Džanav palo čorrše, pharimara, kaj najle so te len pe peste, numaj amaro avutnipe si korro pe godova sar sam furjade thaj či dićhel te amaro statuso maškar o them. Jedino pale soste si laće si te e čhavorren si ažutipe thaj kamipe, angluno katar e dada thaj deja, a pale godova ande sikavno than katar e profesorja.

 

O.V.