ORRTA PE BUĆI

Orrta e Rromenđi po bućako than! Pe kava đes inćaras jekhutni bućaći orrta thaj das gođi kolenđe save bućaren thaj bućarrne manušen ande Evropa kaj ketane šaj te arrlis e bućarrne uslovuja thaj putaripe e bućarrne thanengo pale Rroma.

 

Majbut de so dićhol, trajo e Rromengo phanglo si e trajosa saste evropaće themesa, kaj e Rroma šelbršenca sas lengo kotor. Po Maškartnemutno bućako đes, sumnaras thaj sikavas e Rromen – amare sajekđesenđe herojuja - pe save sam but ašarrne thaj save si uzoruja generacijaće savi avel.

 

E Rroma si majbaro etnikano minoriteto ande Evropaći unija, savi si, ande isto vrjama, ando majbilačho malavipe, kaj naj čhutine maškar aver them, diskriminišime si thaj najle jekhutno putarrdo drom palo bućaripe, sićope, bešipe thaj sastarimasko araćhipe.

 

Projekto RARE (eng. Roma as a Human Resource – Rroma sar manušikane resorsuja) sile palo kamipe te arrlil kasavi situacija thaj vazdel ketani kooperacija maškar e institucije, gavermento thaj ćidimata sar ćerrdasas drom e Rromenđe pale bućarrne thana thaj sar linesas lengo ekonomikano potencijali.

 

E partnerja po projekto buhljaren thaj testirin neve modeluja katar e inovativne strategije pale ekonomikani thah socijalno inkluzija. Sikadine si trin lačhe paramiča pale terrne Rromnja.

 

O.V.