Vakti: 1 min.
ČAČUNO THAGARI E TRUBAKO
Vakti: 1 min.
O Fejat Sejdić, jekh katar majpindžarrdo trubači andar kala thana mulo ando brš palem pharo nasvalipe.
Foto: Kancelarija za inkluziju Roma
Pindžarrdi familija e trubačonenđi avel andar o Bojniko pašo Leskovco. Pandž generacije familijaći Sejdić si bašalne. O Fejat teljarrda te đilabel ande 76 brš thaj đilabelas pešće dadeja pe bjava a lašći trajošći paramič si ilmošći.
E paramič palo čorro čhavrro savo therrda themesko sumnalipe pire phare bućasa thaj telentova savo šukarrda sasto them. Pire orkestrova nakhla sasto them thaj ašunenasle o Josipo Broz Tito, Šarl de Gol, princo Tomislavo Karađorи đević, Zorano Đinđić, Milo Đukanović, Orson Vels, Vili Brant, Leonid Brežnjev, Ričard Barton, englesko thagarrni Elizabeta Dujto thaj but aver.
Šaj trajilas kaj god kamlasasз uvek boldelaspes ando bijando Bojniko. Pala lenđi karijera importantno si te ljaripe e kooperacijako e Bregovićeja thaj Kusturicava po filmo „Dom za vešanje“ , palem savo teljarrde but akharimava andar aver phuvja. Dromarisarrde ande Rusija, „Sam as ande sa thana. Ande Rusija samas majanglal dešupandž brš, ande Njamcicko, Francusko, Englesko, Aust ralija. Či džanglem kaj e Njamcuja kamen te ašunen amari muzika. Tena paćan“ Pa Slovencuja! Von kamenamen but.
Majšukar davma gođi andar o Londono thaj pal Themesko fesivali ande Francusko 19у2.brš. Amen čhutine te đilabas lenđe đilabarrne manušeja savo putrel thaj phandavel o festivali. Von dinema e note a me čhi džanav ande note. Mothov me godoe đilabarrne manušešće: „So ćerenma e note? Đilab manđe crra po kan so trubul te đilabelpe“.
Vo darajloз čhol muj sar haravasa saз a kana ašunda kaj ando jekh drom đilabadem sa so rodaз našti paćaja. Ande godoja vrjama teljarrda amaro populariteto ando them. E, pala godova trubul te aveltu talento thaj khanči majbut, mothol sar pala peste.
O.V.
