NEVO SEMINARI PALE KOORDINATORJA PALE RROMANE PUČHIMATA

Mothoda kaj si importantno te e koordinatorja pale rromane pučhimata sićon te len e lokalne akcione planuja thaj Strategija pale integracija e Rromenđi thaj e Rromnjenđi 2016-2025 thaj majimportantno, sar te roden e love ande forošće ćhera. Šerutno bućako fokuso pale koorinatorja si ćeripe thaj lobi palo andipe akcione planonengo pale integracija e Rromenđi ande štar kotora.

 

Musaj te nakhadon e mere thaj politike te majlačharrdol e rromano trajo, thaj trubul so majbut forošće ćhera te bućaren e koordinatoren pale rromane pučhimata. Kamipe e Kancelarijako si te ande sajekh forosko ćher ande Vojvodina avel koordinatori, sar o proceso pale socijalno inkluzija e Rromenđi avilisas ketane ćerrdini.

 

But si phari situacija ande sasti phuv thaj amari Kancelarija ćerel sa te vazdelpe o sićope amare čhavorrengo. Pale gajda, kamas te majlačharas e komunikacija maškar e koordinatorja thaj bivladaće ćidimatengo saste rromane themesa – mothoda vov.

 

Trujal interaktivno bući thaj konkretne primerja andar e praksa, e manušen po seminari sas šajipe te theren neve džanglimata thaj te pindžarrdon e kanonošće regulativava savi si lenđe but importantno ande sajkhđesutni bući. Musaj te zurjaras kapacitetuja bivladaće ćidimatengo sar so majlačhe ćerrdinesas palo majlačho trajo e Rromengo.