POKRAJINA STIPENDIRIL AVINDE SIKAVIMATAREN PE RROMANI ČHIB

Sikavimatari pe Rromani čhib. Kava sikavno brš, pokrajinaći Kancelarija pale inkluzija e Rromenđi stipendiril 18 studentonen – avinde sikavimataren. Čhonesko vučipe stipendijako si školakosikavimasko sistemo thaj inzaripe zuralimasko avinde generacijenđe.

 

Ažutimatarka ando Sektoro palo majlačharipe statusosko e Rromengo ando Pokrajinako sekretarijato pale socijalno politika, demografija thaj bijandimasko jekhipe, kamla e studentonenđe sukcesutno sikavi- masko brš. Voj liparda kaj si trubusardo buhljaripe lačhimasko pašunimasko ando inzaripe dodatno socijalno thaj sićimasko zuralipe kolenđe saven kasavo zuralipe trubul.

 

Numaj kaj si o zuralipe palo sićope e Rromengo jekh katar anglekišlipena palo harnjaripe čorrmasko. Palo semnosaripe te ćerelpe vučosikavno kadro pale Rromani čhib, te araćhelpe o identiteto Rromane ćidipesko, sikavel e nap ate stipendirilpe o sićope avinde sikavimatarengo pe Rromani čhib.

 

Ćerutno bućako direktorosko Kancelarijako pale inkluzija e Rromenđi o Dušan Radul naisarda Pokrajinaće gavermentoske kaj ćerda o šaipe palo sićope, sar vi e stipendije palo sićope sikavimatarengo e čhavrengo angleškolaće bršengo pe Rromani čhib.

 

Po ramosaripe čhinadimasko prisutno sas vi e poslanica ando Ćidipe AP Vojvodinako e Jelena Jovanović, prezidento Konsilesko pale integracija e Rromenđi, ažutimatari direktorosko thaj studenturja Vuče sikavne thanesko kompetetune studijengo pale sikavimatarja “Mihailo Palov”, sar vi anglalmothode Kancelarijako pale inkluzija e Rromenđi AP Vojvodinaći.

 

A.N.